An tÉireannach (iris)
| Cineál | nuachtán |
|---|---|
| Cárta innéacs | |
| Teanga | an Ghaeilge |
| Am tosaigh | 1934 |
B'é An tÉireannach an chéad nuachtán seachtainiúil i stair iriseoireachta na Gaeilge, agus é á fhoilsiú sna blianta 1934 go 1937. Bhí blas áirithe den eite chlé ar pholasaí eagarthóireachta na Gaeilge, rud a d'fhág nach raibh sé ag taithneamh le cách i saol na Gaeilge.
Thairis sin, bhí sé ag díriú ar mhuintir na Gaeltachta thar aon dream eile, rud a chaill an páipéar sa deireadh thiar, ó nach raibh airgead ach ag an gcorrdhuine acu san am sin le nuachtán a cheannach. Mar sin, bhí an nuachtán i dtuilleamaí deontais oifigiúla, agus nuair a thráigh an tobar sin, b'éigean deireadh a chur leis.
Bhí An tÉireannach ina ábhar conspóide ina dhiaidh sin féin ar chúiseanna polaitiúla agus seicteacha, ós rud é gur Protastúnach a bhí sa phríomheagarthóir, Seán Beaumont. Mar sin, b'í an fhírinne oifigiúil ar feadh i bhfad gurbh é Inniu an chéad seachtanán Gaeilge riamh.

Níor tháinig scéal An Éireannaigh ar ais i mbéal lucht na Gaeilge roimh an mbliain 1993, nuair a d'fhoilsigh Éamon Ó Ciosáin leabhar faoi. Níor choinnigh ach muintir na Gaeltachta cuimhne air, nó bhí an-ráchairt ar an bpáipéar ina measc a fhad is a mhair sé.
Foilseachán a "sheas amach" ab ea an páipéar sóisialach Gaeltachta seo dar le Cathal Goan sa mhéid is gur soláithreoir nuachta agus eolais a bhí ann go príomha seachas áis chun an teanga a thabhairt slán, agus go raibh sé dírithe ar mhuintir na Gaeltachta agus lucht labhartha na Gaeilge taobh amuigh amuigh di, rud nárbh ionann agus foilseacháin Ghaeilge eile an lae úd.[1]
Féach freisin
[cuir in eagar | athraigh foinse]- Goitse (ar scor)
- Mionlach
- An Páipéar
Tagairtí
[cuir in eagar | athraigh foinse]- ↑ Cathal Goan (10 Márta 2016). "Na Meáin Ghaeilge ó 1916 anuas". The Irish Times: lgh 16–17.
| Is síol faoi nuachtán nó irisleabhar é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |
- Síolta a bhaineann le nuachtáin
- Nuachtáin na Gaeilge
- Nuachtáin in Éirinn
- Irisí Gaeilge
- Irisí nuachta
- Irisí nuachta i nGaeilge
- Soláthraithe nuachta i nGaeilge
- Soláthraithe Éireannacha nuachta
- Seachtanáin
- Cultúr na Gaeltachta
- Nuachtáin ar an eite chlé
- Eagraíochtaí sóisialacha in Éirinn
- Sóisialachas
- Bunaithe sa bhliain 1934
- Bunaithe sna 1930í
- Nuachtáin
- Nuacht