An Aivéistis

An Aivéistis

Cineál	teanga mharbh, teanga anallód agus teanga
Úsáid
Cainteoirí dúchais	0
Dúchasach do	Greater Khorasan (en) , Arachosia (en) , Sogdia (en) , Khwarezm (en) agus Ariana (en)
Stáit	An Iaráin
Aicmiú teangeolaíoch
teanga dhaonna na teangacha Ind-Eorpacha Ind-Iaránach Teangacha Iaránacha Eastern Iranian (en)
Tréithe
Córas scríbhneoireachta	Avestan (en) agus Gujarati (en)
Cóid
ISO 639-1	ae
ISO 639-2	ave
ISO 639-3	ave
Glottolog	aves1237
Ethnologue	ave
IETF	ae

Seanteanga Oir-Iaránach is ea an Aivéistis a bhí á scríobh san Iaráin ocht gcéad bliain roimh bhreith Chríost. Is í an Aivéistis teanga an leabhair Aivéasta, arb é scrioptúr naofa an tSóróstarachais é. Is iad na Gataí an chuid is sine den Aivéasta, agus iad scríofa i dteanga ar a dtugtar Sean-Aivéistis. Creidtear gurb é Sorastar, bunaitheoir an reiligiúin, féin a chum na Gataí, agus tá an teanga iontu chomh seanársa go bhfuil sí níos cosúla leis an tSanscrait ná leis na teangacha Iaránacha eile. Tá an chuid eile den Aivéasta cumtha i leagan níos deireanaí den teanga chéanna, ar a dtugtar Aivéistis Óg. Is dócha go bhfuil an Aivéistis Óg an-chóngarach don chineál teanga a labhraítí in Oirthear na hIaráine faoin am ar cumadh an leabhar féin. Níos deireanaí fós, bhítí ag cumadh téacsaí i leagan truaillithe den Aivéistis Óg nach raibh á labhairt go nádúrtha ag aon duine a thuilleadh. Is gnách "Aivéistis Óg Shaorga" a thabhairt ar an gcineál seo Aivéistise. Ba í teanga liotúirgeach na sagart Sorastrach í.