Albuquerque, Nua-Mheicsiceo

Ón Vicipéid, an chiclipéid shaor.
Albuquerque, foirgnimh i lár na cathrach

An chathair is mó i Nua-Mheicsiceo, sna Stáit Aontaithe, is ea Albuquerque, agus é suite i lár an stáit, ar dhá thaobh an Rio Grande. Príomhchathair riaracháin Chontae Bernalillo atá ann. Bhí 557,169 duine ina gcónaí sa chathair ar 1 Iúil 2014 de réir mheastacháin a rinne Biúró Dhaonáirimh na Stát Aontaithe. Measadh 902,797 duine a bheith ina gcónaí i mórcheantar Albuquerque an bhliain roimhe sin.

Tá Ollscoil Nua-Mheicsiceo suite in Albuquerque, chomh maith le Bunáit Aerfhórsa Kirtland, Saotharlanna Náisiúnta Sandia, agus an Séadchomhartha Náisiúnta na bPeitriglifí. Tá Sléibhte Sandia Mountains ar thaobh thoir Albuquerque, agus sníonn an Rio Grande tríd an chathair aduaidh agus ansin ó dheas. Tionóltar an Albuquerque International Balloon Fiesta sa chathair, ina dtugtar an bailiúchán balún is mó ar domhan le chéile gach bliain, i gcéad seachtain mhí Dheireadh Fómhair.