Aberystwyth

Aberystwyth
Aberystwyth (en) Aberystwyth (cy)
Ainmnithe in ómós	Abhainn Ystwyth
Suíomh
52° 25′ N, 4° 04′ O
Stát ceannasach	an Ríocht Aontaithe
Comhthír na Ríochta Aontaithe	an Bhreatain Bheag
Contaebhuirg na Breataine Bige	Ceredigion
Príomhchathair de	Ceredigion
Daonra
Iomlán	13,040 (2011)
• Dlús	2,452 hab./km²
Tíreolaíocht
Achar dromchla	531.81 ha
Suite i nó in aice le limistéar uisce	Bá Ceredigion agus Abhainn Ystwyth
Ar theorainn le	Clarach Bay (en)
Sonraí stairiúla
Cruthú	1109
Aitheantóir tuairisciúil
Cód poist	SY23
Glaochód	01970
Eile
Suíomh gréasáin	aberystwyth.gov.uk

Cathair sa Bhreatain Bheag is ea Aberystwyth ("Inbhear an Ystwyth" .i. na habhann solúbtha nó aclaí;  Fuaimniú). Tá Ollscoil Aberystwyth agus Leabharlann Náisiunta na Breataine Bige suite sa chathair.

Is in Aberystwyth a scríobh Caerwyn Williams Traidisiún Liteartha na nGael i mBreatnais, gan trácht ar Storïau ac Ysgrifau Pádraic Ó Conaire, aistriúchán ar shaothar an údair chéanna. Agus í ag tabhairt faoi chéim máistreachta sa Ghaeilge in Ollscoil Aberystwyth, d'aistrigh Felicity Roberts Mo Bhealach Féin Sheosaimh Mhic Grianna go Breatnais.

Is ar an mbaile seo freisin a cuireadh Foclóir Breatnais–Gaeilge Joe Mitchell i dtoll a chéile don chuid is mó.

I ngeall ar an gcaoi go raibh Mitchell agus a bhean ag tógáil clainne le Gaeilge chomh maith le Breatnais, agus ar dhaoine eile sa chomharsanacht, thug Diarmuid Johnson "mionGhaeltacht" ar phobal beag na Gaeilge ann,

"Gaeltacht gan stát gan náisiún, Gaeltacht gan deontas gan déirc, Gaeltacht gan acht gan agóid, Gaeltacht gan talamh gan teorainn, Gaeltacht gan údarás gan aitheantas, Gaeltacht gan chlub gan chumann, gan ionad gan áras. Agus ba mhaith sin. Nach amhlaidh a bhí in Éirinn féin fadó roimh aimsir an Stáit!"

Comhchathracha

• Kronberg im Taunus, Hesse, An Ghearmáin.
• St-Brieuc, An Bhriotáin, An Fhrainc.
• Esquel, An Phatagóin, An Airgintín.