Acht na dTeangacha Oifigiúla 2003
| Cineál | Acht den Oireachtas  | ||
|---|---|---|---|
| Fógairt | an tOireachtas | ||
| Dáta foilsithe | 2003 | ||
| Aisghaireann sé | An tAcht Logainmneacha (Foirmeacha Gaeilge), 1973 | ||
| Uimhir eagrán | 32 | ||
| Príomhábhar | dlí riaracháin teanga oifigiúil | ||
| Tír | Éire | ||
| Baint le limistéar údaráis | Éire | ||
| Saothar iomlán ar fáil ag URL | irishstatutebook.ie… | ||
Is acht de chuid Oireachtas na hÉireann é Acht na dTeangacha Oifigiúla (English: The Official Languages Act 2003).
Síníodh Acht na dTeangacha Oifigiúla 2003 ina dhlí ar 14 Iúil 2003. Is é príomhaidhm an Achta a chinntiú go gcuirtear feabhas ar sholáthar seirbhísí poiblí trí Ghaeilge.
Déantar foráil san Acht do sholáthar seirbhísí poiblí trí Ghaeilge ar thrí bhealach:
- trí fhorálacha an Achta atá infheidhme maidir le gach comhlacht poiblí faoin Acht;
- trí rialacháin a dhéanann an tAire Cultúir, Oidhreachta agus Gaeltachta atá infheidhme freisin maidir le gach comhlacht poiblí faoin Acht; agus
- trí scéimeanna teanga, a aontaítear le gach comhlacht poiblí ar leith agus a fhorálann do mhéadú de réir a chéile ar líon agus ar chaighdeán na seirbhísí a chuireann an comhlacht poiblí sin ar fáil trí Ghaeilge.
Bunaíodh Oifig an Choimisinéara Teanga faoin Acht sa bhliain 2004. Is iad príomhfheidhmeanna na hOifige sin monatóireacht a dhéanamh ar an gcaoi a bhfuil forálacha an Achta á gcomhlíonadh ag comhlachtaí poiblí, agus bearta riachtanacha a dhéanamh chun a chinntiú go gcomhlíonfaidh comhlachtaí poiblí a ndualgais faoin Acht.[1][2]
Acht na dTeangacha Oifigiúla (Leasú) 2021
Treisiú ar Acht na dTeangacha Oifigiúla 2003 atá i gceist leis an reachtaíocht sa bhliain 2021. Cuireann sé go mór le caighdeán na seirbhísí phoiblí i nGaeilge atá ar fáil don phobal.[3]
Leagann an bille síos sa dlí gur cainteoirí Gaeilge a bheadh i 20% d’earcaigh nua na seirbhíse poiblí faoin mbliain 2030, príomhsprioc an bhille nua.[4][5]
Chomh maith leis sin, beidh ar sheirbhísigh phoiblí taobh istigh nó taobh amuigh den Ghaeltacht seirbhís i nGaeilge a chur ar fáil
Beidh ar an Stát ainmneacha Gaeilge a chlárú agus a litriú i gceart leis an síneadh fada agus caithfidh an Státseirbhís seirbhísí i nGaeilge a chur ar fáil do Mhuintir na Gaeilge.[6]
Féach Freisin
- An Coimisinéir Teanga
- Acht na Gaeltachta 2012
- Comhaontú Chill Rímhinn
- Feachtas "Stádas"
- Acht Féiniúlachta agus Teanga (Tuaisceart Éireann) 2022
Tagairtí
- ↑ Acht na dTeangacha Oifigiúla 2003 -An Roinn Cultúir, Oidhreachta agus Gaeltachta
- ↑ Ról an Choimisinéara Teanga -An Coimisinéir Teanga
- ↑ "Acht na dTeangacha Oifigiúla (Leasú) 2021 sínithe ag Uachtarán na hÉireann" (ga). www.gov.ie. Dáta rochtana: 2022-01-12.
- ↑ "‘Lá stairiúil’ – bille teanga nua rite i dTithe an Oireachtais" (ga-IE). Tuairisc.ie (2021). Dáta rochtana: 2022-01-12.
- ↑ "Cad atá sa bhille teanga a ritheadh an tseachtain seo agus cad a tharlóidh anois?" (ga-IE). Tuairisc.ie. Dáta rochtana: 2022-01-12.
- ↑ "18 Nollaig 2021 (Ciarraí) - Nuacht Mhall (podcast)" (en). Listen Notes. Dáta rochtana: 2022-01-12.