Sophie in 't Veld
Is polaiteoir Ollannach de chuid páirtí na nDaonlathaithe 66 í Sophia Helena in 't Veld (a rugadh ar 13 Meán Fómhair 1963). Toghadh í mar Fheisire de Pharlaimint na hEorpa sa bhliain 2004, agus atoghadh í in 2009, 2014 agus 2019. Bhí sí mar phríomh-iarrthóir a páirtí do na trí thoghchán agus tá sí ina ceannaire i bParlaimint na hEorpa ón gcéad toghchán í.
Tús a shaoil agus oideachas
[cuir in eagar | athraigh foinse]Rugadh Sophia Helena in 't Veld ar an 13 Meán Fómhair 1963 i Vollenhove, an Ísiltír .
Ó 1982 go 1991, rinne sí staidéar ar an stair ag Ollscoil Leiden. Tar éis di céim mháistreachta a bhaint amach i staidéar na meánaoise, d’oibrigh sí mar shaoraistritheoir sa Fhraincis, sa Bhéarla agus san Iodáilis, ansin mar oiliúnaí sa rannóg gnóthaí eacnamaíocha i gcathair na hÍsiltíre, Gouda.[1]
Gairmréim
[cuir in eagar | athraigh foinse]D'fhostaigh Johanna Boogerd-Quaak, a bhí ina FPE D66 ag an am, In 't Veld mar chúntóir i 1994.[2] Ó 1996 go 2004, bhí sí ina rúnaí ginearálta ar an nGhrúpa Chomhghuaillíocht na Liobrálach agus na nDaonlathaithe le haghaidh na hEorpa, i gCoiste na Réigiún (CLDE).
Feisire de Pharlaimint na hEorpa, 2004–san am i láthair
[cuir in eagar | athraigh foinse]Tá In ’t Veld ina Fheisire de Pharlaimint na hEorpa ó bhí toghcháin na hEorpa ann, sa bhliain 2004, ar son na nDaonlathaithe 66 mar chuid de ghrúpa parlaiminte 'Comhghuaillíocht na Liobrálach agus na nDaonlathaithe le haghaidh na hEorpa'. Nuair a toghadh í i 2004 ba í an t-aon Fheisire D66 í go dtí 2009.[3]
Idir 2004 agus 2009, d’fhóin In ’t Veld ar an gCoiste um Ghnóthaí Eacnamaíochta agus Airgeadaíochta. Ó 2009 go 2014, bhí sí ina comhalta den 'Choiste um Chearta na mBan agus um Chomhionannas Inscne'. Ó 2009 i leith, tá sí ina comhalta den 'Choiste um Shaoirsí Sibhialta, um Cheartas agus um Ghnóthaí Baile'; idir 2009 agus 2014, bhí sí ina leaschathaoirleach ar an gcoiste. Laistigh den Choiste, tá sí ina cathaoirleach ar 'an nGrúpa Monatóireachta ar Shaoirsí Sibhialta ó 2018.[4]
Naisc sheachtracha
[cuir in eagar | athraigh foinse]- "‘Totally dysfunctional’: Sophie in ‘t Veld on the EU’s relationship with democracy"[2]
Tagairtí
[cuir in eagar | athraigh foinse]- ↑ Constant Brand (September 15, 2010), Liberal crusader European Voice.
- ↑ Constant Brand (September 15, 2010), Liberal crusader European Voice.
- ↑ Constant Brand (September 15, 2010), Liberal crusader European Voice.
- ↑ "Rule of law: Civil Liberties MEPs to report on corruption and press freedom"[1]