Viswanathan Anand

Ón Vicipéid, an chiclipéid shaor.
Vishy Anand

Is ficheallaí é Viswanathan Anand (11 Nollaig 1969 a rugadh i Chennai, san India).

Tháinig sé i gcomharbacht ar Vladimir Kramnik mar Churadh Domhanda Fichille ar an 29 Meán Fómhair 2007, nuair a bhuaigh sé Comórtas Chraobh an Domhain i gCathair Mheicsiceo. Fuair sé an ceann is fearr ar Kramnik i sraith cluichí don chraobh dhomhanda i mBonn, an Ghearmáin i mí Deireadh Fómhair 2008 (+3 -1 =7).

Choimeád Anand an chraobh dhomhanda nuair a bhuaigh sé ar Veselin Topalov i sraith cluichí i Sóifia sa bhliain 2010. Bhí na fir dubha aige sa chluiche deireanach ar an 11 Bealtaine ach fuair sé an ceann is fearr ar Topalov chun bua 6.5-5.5 a fháil.

Chaill sé an teideal sa bhliain 2013 tar éis dó cailliúnt i sraith cluichí i gcoinne Magnus Carlsen (+0 -3 =7).

Bhuaigh sé Comórtas Chraobh Fichille na hIndia nuair nach raibh sé ach 16 bhliain d'aois. Bhí cáil air i gcónaí ó thaobh cé chomh tapaidh a d'imríodh sé. Aithníodh é mar cheann de na himreoirí is fearr ar domhain é ó thús na 1990í i leith.