Michael Bloomberg

Ón Vicipéid, an chiclipéid shaor.
Michael Bloomberg
Michael Bloomberg 2 by David Shankbone.jpg

Méara Cathrach Nua-Eabhraic
In oifig
1 Eanáir 2002 - inniu
Réamhtheachtaí: Rudy Giuliani
Comharba: Bill de Blasio

Dáta breithe 14 Feabhra 1942
Páirtí Neamhspleách
Céile Colscartha (Susan Brown, 1975-1993)
Síniú
Michael Bloomberg Signature.svg

Is fearr gnó, polaiteoir agus daonchara Meiriceánach é Michael Rubens "Mike" Bloomberg (a rugadh ar 14 Feabhra 1942). Bunaitheoir Bloomberg L.P. atá ann. Is é an 108ú méara ar Chathair Nua-Eabhrac é agus an 20ú méara ó comhdhlúthaíodh buirgí na cathrach sa bhliain 1898.

A luathshaol[athraigh | edit source]

Rugadh agus tógadh i dteaghlach Giúdach i Medford, Massachusetts, bruachbhaile de chuid Bhostúin, é. Gasóg Iolair atá ann. D'fhreastail sé ar Ollscoil Johns Hopkins, mar ar chuir sé isteach ar Phi Kappa Psi agus bhain sé amach céim Baitsiléir Eolaíochta in Innealtóireacht Leictreonaice sa bhliain 1964. Níos deanaí bhain sé amach Máistir Riaracháin Ghnó ó Scoil Ghnó Harvard.

A shaol gnó[athraigh | edit source]

Bhí sé ina pháirtí ginearálta ag Salomon Brothers, banc infheistíochta, mar a raibh sé i mbun trádáil cothromais agus níos deanaí forbairt córais. Chuir sé a mhaoin sa chomhlacht féin, Bloomberg L.P., ag díol teirminéal eolais airgeadais le Wall Street. Teirminéil Bloomberg a thugtar orthu seo. Thosaigh an comhlacht stáisiún raidió i Nua-Eabhrac.

De réir an irisleabhair Forbes is é Bloomberg an 7ú duine is saibhre sna Stáit Aontaithe agus an 13ú duine is saibhre ar domhan é. Measadh $31bn a bheith aige. [1]

Scríobh sé féinbheathaisnéis dar theideal Bloomberg by Bloomberg sa bhliain 1997 (ISBN 0-471-15545-4).

A shaol polaitiúil[athraigh | edit source]

Bhí Bloomberg ina bhall den Páirtí Daonlathach ach sheas sé mar iarrthóir den Pháirtí Poblachtach sa toghchán ar son méara. Bhuaigh Bloomberg i gcoinne Herman Badillo sa réamhthoghchán Poblachtach. Toghadh ar an gcéad uair ar 6 Samhain 2001 é nuair a fuair sé an bua ar Mark J. Green agus arís ar 8 Samhain 2005. Sheas sé don tríú téarma mar mhéara sa bhliain 2009, rud conspóideach mar bhí méaraí Nua-Eabhrac teoranta do dhá théarma. D'athraigh Comhairle na Cathrach an dlí ar 8 Deireadh Fómhair 2008 agus bhí Bloomberg ábalta dul ar aghaigh lena fheachtas atofa. Sheas sé mar iarrthóir an Páirtí Phoblachtaigh agus an Pháirtí Independence. Conspóid eile é ainmniúcháin an dara páirtí seo mar gheall ar íocaíochtaí de luach $600,000 an ceann a thug sé dóibh.[2] Atoghadh é agus 50.7% de na vótaí aige. Tháinig a tríú téarma chun deiridh ar an 1 Eanáir 2014 nuair a ghlac Bill de Blasio mionn na hoifige mar mhéara Chathair Nua-Eabhrac.

Michael Bloomberg agus a bhanchara reatha, Diana Taylor, ag gála Time 100 sa bhliain 2006. Tháinig an pictiúr seo ón bhfísbhlag "Rocketboom".

Tagairtí[athraigh | edit source]

  1. Próifíl ag Forbes' (arna rochtain ar 28 Samhain 2013
  2. "Bloomberg's Independence (Pay)Day" Elizabeth Benjamin in Daily News (Nua-Eabhrac), January 25, 2010 [1] arna rochtain ar 17 Aibreán 2010