Wall Street

Ón Vicipéid, an chiclipéid shaor.
Comhartha sráide

Is sráid chúng i Manhattan íochtarach, i gcathair Nua Eabhraic, í Wall Street.

I Wall Street agus sna sráid mórthimpeall uirthi atá ceartlár an tionscail airgeadais agus infheistíochta i Stáit Aontaithe Mheiriceá. Thosaigh seo roimh neamhspleáchas na gcoilíneachtaí ag deireadh an ochtú aois déag (18ú Aois), sular cuireadh eagar orthu mar Stáit Aontaithe Mheiriceá. Ar Wall Street atá an New York Stock Exchange (NYSE) agus an American Stock Exchange (AMEX), ar a bhfuil scaranna formhór chomhlachtaí mór na tíre, agus go leor cinn sheachtacha ina dteannta, á ndíol agus á gceannach. Is sa chathair freisin atá an National Securities and Exchange Quotient (NASDAQ).

Mar gheall ar mhéid an ghéilleagair Mheiriceánaigh, chomh maith leis an méid trádala a dhéantar ar Wall Street, tá tionchar thar aon chathair eile ar domhain ag Nua Eabhrac ar an ngéilleagar domhanda.

Déantar faire ar an Dow Jones Industrial Average (DJIA) agus an NASDAQ ar ríomhairí agus ar scáileáin teilifíse ar fud an domhain mar gheall ar an dtionchar atá acu ar ghéilleagar gach réigiúin agus gach tionscail.