Cathair San Mairíne, San Mairíne

Ón Vicipéid, an chiclipéid shaor.

Is í Cathair San Mairíne príomhchathar Phoblacht Ró-Gheal San Mairíne ar an leithinis Iodálach i ngaire don Mhuir Aidriadach . Tá daonra 4,493 aici. Tá sí suite ar na fánaí iartharacha den tsliabh is airde sa phoblacht, .i. Monte Titano.

Tír Eolas[athraigh | edit source]

Cé gurb í an phríomhchathair í is i mbaile Bhorgo Maggiore a bhíonn an chuid is mó de cursaí gnó na poblachta ar siúil. Is í Cathair San Mairíne an tríú cathair sa tír ó thaobh daonra de. Tá teorainn aici le castelli (bardais) Acquaviva, Borgo Maggiore, Fiorentino, agus Chiesanuova chomh maith le común San Leo na hIodáile.

Stair[athraigh | edit source]

Bhunaigh Naomh Marinus agus teifigh Chríostaithe an chathair sa bhliain 301. Ó shin d'fhás an chathair mar thearmann ó ghéarleanúint na Rómhánach. Mar gheall ar sin, is í an phoblacht is sine san Eoraip.

Bhí trí thúr cosanta ag an gcathair: tógadh Guaita sa 11ú aois, agus dúradh faoi go raibh sé dothreáite. De bharr na gCrosáidí tógadh an dara túr, Cesta sa 13ú haois. Tógadh an tríú túr an Montale sa 14ú haois - an túr ba lu fós.

Bhí daonra na cathrach ag méadú agus bhí an tír ag fás ciliméadar ar chiliméadar dá bharr. Bhí mar pholasaí ag na San Mairínigh gan ionradh nó cogadh a dhéanamh chun talamh breise a fháil, mar sin fuair siad naoi castelli eile trí cheannach agus conarthaí.

Geilleagar[athraigh | edit source]

San aimsir atá caite bhíodh eastósctha na gclócaí agus an tsnoíodóireacht mar ghné lárnach de gheilleagar na cathrach. Sa lá atá inniu ann tá an turasóireacht, an tráchtáil, díol na stampaí agus an tionscadal talmhaíochta ar na gníomháiochtaí geilleagracha tábhachtacha sa tír.

Palazzo Pubblico, Halla an Bhaile

Turasóireacht[athraigh | edit source]

Bíonn triall ag trí mhilliún turasóir ar Shan Mairíne gach bliain. Go hiondúil is as an Iodáil do 85% de na turasóirí.

Radhairc Inspéise[athraigh | edit source]

  • Palazzo dei Capitani
  • Palazzo Pubblico
  • The Thrí Túr San Mairíne
  • Piazza del Titano
  • Piazza Garibaldi
  • Manaistir Santa Clara
  • Grand Hotel San Marino

Iompar[athraigh | edit source]

Tá clú agus cáil ar na sráideanna a bhíonn ag casadh agus iad ag ardú. Níl cead ag gluaisteáin a bheith i lár na cathrach ach oiread.

Roimh an Dara Cogadh Domhanda tógadh líne traenach ón gcathair go Rimini. Dúnadh é i ndiaidh an chogaidh ach tá na tolláin fós ann chomh maith le stáisiún traenach 'Piazzale Lo Stradone'.

Tá seirbhís bus go Rimini, agus tá carr cábla 1.5 km d'fhaide go dtí Borgo Maggiore.

Spóirt[athraigh | edit source]

Tá dhá fhoireann sacair ag an gcathair, an S.S. Murata agus an S.P. Tre Penne. Tháinig an lasair Oilimpeach tríd an gcathair díreach roimh Chluichí Oilimpeacha an Gheimhridh 2006.

Nasbhailte[athraigh | edit source]

Tá nasc ag an gCathair San Mairín le: