Víosa Saoire Oibre na hAstráile
Ceadaíonn an Víosa Saoire Oibre (subclass 417)[1][2][3] de chuid na hAstráile do 'dhaoine óga' (18-35 bliain d'aois), a bhfuil pas Éireannach acu, taisteal go dtí an Astráil agus oibriú ann ar feadh dhá bhliain.[4] Tugtar "Saoirí oibre san Astráil" (Béarla: Working Holidays in Australia) ar an gclár.
Coinníollacha
[cuir in eagar | athraigh foinse]Is féidir obair shealadach nó ócáideach a aimsiú nuair a bhaineann tú an tír amach agus is féidir leat staidéar gearr a dhéanamh freisin fad a bhíonn tú ann. Roimh iarratas a chur isteach, léigh na coinníollacha go cúramach. Má tá daoine ag taisteal go príomha chun oibriú nó chun staidéar a dhéanamh, ba cheart víosaí eile a fhiosrú.
Má bhíonn duine ag obair i láthair réigiúnach san Astráil ar feadh thrí mhí leis an gcéad Víosa Shaoire Oibre, is féidir síneadh bliana a fháil ar an víosa sin faoi chúinsí áirithe.[5].
Víosaí eile
[cuir in eagar | athraigh foinse]Bíonn roghanna eile ann, mar shampla an Víosa Urraíochta Fostóra. Is víosa shealadach nó víosa bhuan an víosa seo. Tugann an víosa shealadach 457, cead d’fhostóirí oibrithe iasachta a fhostú le go líonfaí poist fhostaíochta oilte san Astráil.
Tá sé thar a bheith tábhachtach i gcónaí go mbeadh stádas dleathach ag daoine chomh fada agus a mhaireann siad san Astráil.
Dálaí maireachtála
[cuir in eagar | athraigh foinse]Bíonn éagsúlacht mhór costais ann maidir le cóiríocht a fháil, ag brath ar an áit ina mbíonn duine san Astráil. Bíonn lóistín sna cathracha móra ar nós Sydney, Perth agus Melbourne thar a bheith costasach. Agus uaireanta bíonn na hÉireannaigh báite i bpáipéarachas. Tromluí amach is amach is ea é ó thaobh maorlathais de do dhaoine áirithe.[5]
Nuair a thagann daoine chun na tíre, ba chóir dóibh cuir isteach ar Uimhir Chomhaid Chánach (TFN) toisc go mbeidh a leithéid á lorg ag an bhfostóir. Téigh go dtí www.ato.gov.au[6] chun eolas breise a lorg maidir leis an TFN a fháil
Na hÉireannaigh san Astráil
[cuir in eagar | athraigh foinse]Fuair níos mó ná 21,000 saoránach Éireannach Víosa 'Saoire Oibre' idir mí Iúil 2022 agus mí na Bealtaine 2023 de réir figiúirí a d'fhoilsigh an Roinn Gnóthaí Baile san Astráil. Ní fhacthas an méid seo eisimirce ó ard an chúlaithe eacnamaíochta in 2008. Le haghaidh comparáide, deonaíodh 11,077 víosa i rith na tréimhse céanna idir 2018 agus 2019, roimh na paindéime Covid-19. Bíonn tuarastail níos airde agus caighdeán maireachtála níos fearr san Astráil ag mealladh daoine óga ó Éirinn.[7]
Féach freisin
[cuir in eagar | athraigh foinse]Naisc sheachtracha
[cuir in eagar | athraigh foinse]Tagairtí
[cuir in eagar | athraigh foinse]- ↑ .homeaffairs.gov.au (2024). "First Working Holiday visa". Dáta rochtana: 2024.
- ↑ "Working Holiday (417)" (en-GB). Immi Law. Dáta rochtana: 2024-01-21.
- ↑ diasporasupport.ie (2024). "Australia" (en-US). Crosscare Irish Diaspora Support Project. Dáta rochtana: 2024-01-21.
- ↑ y-axis.com (2023). "The age limit for the Australian WH Visa is now 35 years" (en). www.y-axis.com. Dáta rochtana: 2024-01-21.
- ↑ 5.0 5.1 atholicbishops.ie (2015). "PACÁISTE FAISNÉISE D’EISIMIRCIGH 2015". Cartlannaíodh an bunleathanach ar 2016-04-29. Dáta rochtana: 2024.
- ↑ ato.gov.au (2024). "Foreign passport holders, permanent migrants and temporary visitors – TFN application". www.ato.gov.au. Dáta rochtana: 2024-01-21.
- ↑ Conradh na Gaeilge Londain (20 Eanáir 2024). "Nuacht Mhall: (Tiobraid Árann)" (en-CA). Apple Podcasts. Dáta rochtana: 2024-01-21.
- ↑ corporateName= Department of Foreign Affairs and Trade. "Australian Embassy in". ireland.embassy.gov.au. Dáta rochtana: 2024-01-21.