Tlaxcala
Ceann de 31 stát Mheicsiceo is ea Tlaxcala agus é suite i lár na tíre. Is é Tlaxcala de Xicohténcatl an phríomhchathair agus is é Vicente Guerrero an chathair is mó. Bhí 1,213,757 duine ina gcónaí ann sa bhliain 2012.
Stair[athraigh | athraigh vicithéacs]
D'éirigh leis na Tlaxcalteque, pobal dúchasach Tlaxcala, iad féin a choimeád neamhspleách ar impireacht na nAstacach go dtí teacht na Spáinneach agus chuidigh siad leo i gcoinne na nAstacach. I gcúiteamh a gcuid dílseachta dóibh, bhronn na Spáinnigh pribhléidí ar na Tlaxcalteque. Bhí cead acu airm a iompar agus marcaíocht capall a dhéanamh. Choimeád siad a gcultúr agus a bhféiniúlacht ó shin i leith.
Geilleagar[athraigh | athraigh vicithéacs]
Tá an talmhaíocht tábhachtach i ngeilleagar an stáit. Tá a lán daoine fostaithe sna tionsclaíocht cheimiceach, agus i ndéantúsaíocht teicstílí agus drugaí chomh maith.
|
|||
|
Na 31 Stát agus an Ceantar Cónaidhme |
