Foras na Gaeilge

Lógó na heagraíochta

Is é Foras na Gaeilge an eagraíocht a bunaíodh chun an Ghaeilge a chur chun cinn i mí na Nollag, 1999, de réir Chomhaontú Aoine an Chéasta. Ghlac an eagraíocht nua seo cúraimí eagraíochtaí stáit i bPoblacht na hÉireann a bhí ann roimhe - Bord na Gaeilge, An Gúm (Foilsitheoirí) agus An Coiste Téarmaíochta (Forbairt Téarmaíochta) agus aistríodh na foirne agus a ngníomhaíochtaí ar fad chuig an gcomhlacht nua. De réir an Chomhaontaithe, tá Fóras na Gaeilge freagrach as cur chun cinn na teanga i dTuaisceart na hÉireann freisin. Chomh maith le sin, tá an Foras ann chun comhairle a thabhairt don dá rialtas, do chomhlachtaí agus do ghnáthdaoine faoi chúrsaí Gaeilge.

Is iad seo a leanas na freagrachtaí eile ar an bhForas:

• Eagraíochtaí agus gníomhaíochtaí Gaeilge a mhaoiniú.
• An Ghaeilge a chur chun cinn (lena n-áirítear fógraíocht, comórtais, imeachtaí agus urraíocht).
• Treoirleabhair agus ábhar acmhainní a fhoilsiú.
• Urraíocht a dhéanamh ar imeachtaí dátheangacha, ceardlanna agus seimineáir oiliúna, lainseálacha agus taispeántais.
• Leabhair Ghaeilge agus leabhair inspéise ó thaobh na Gaeilge a tháirgeadh, a dháileadh agus a chur chun cinn.
• Téarmaíocht nua don Ghaeilge a cheapadh agus foclóirí nua Gaeilge a thiomsú agus a fhoilsiú. Tá an suíomh Focal.ie[1] forbraithe ag Fiontar, DCU, i gcomhar le Foras na Gaeilge, le téarmaí a chur i láthair an phobail go furasta.
• Tacú le hoideachas Gaeilge.

Naisc sa Vicipéid

• Gaeltacht Bhéal Feirste

Naisc sheachtracha

• Suíomh Oifigiúil