Gána

Tír san Afraic is ea Poblacht Ghána. Tá teorainneacha aige leis an gCósta Eabhair ar an taobh thiar, le Buircíne Fasó ar an taobh thuaidh, le Tóga ar an taobh thoir agus le Murascaill na Guine ar an taobh theas. Accra an phríomhchathair agus an chathair is mó. I 2005 bhí 21,029,000 duine ina gcónaí sa tír.

Roimh ré an choilíneachais, bhí an-chuid ríochta ársa ann - mar shampla, ríocht Ashanti i lár na tíre, agus na stáit Fante éagsúla le taobh na mara agus i lár na tíre. D'fhás trádáil leis an Eoraip mar gheall ar teagmháil le taiscéalaithe ón Portaingéil sa 15ú céad, agus bhunaigh Sasana coilíneacht corónach darbh ainm an Cósta Óir sa réigiúin sa bhliain 1874.

Bhí sé ar an gcéad tír fho-Shahárach riamh le neamhspleáchas ón riail choilíneach a bhaint amach. Agus a shroicheadh neamhspleáchas ón Ríocht Aontaithe i 1957, roghnaíodh an t-ainm Gána mar ainm don náisiún, chun caidreamh a dhéanamh le hImpireacht Ghána a bhíodh i bhfeidhm in iarthar na hAfraice fadó. Ceiliúradh 50 bliana de shaoirse ar an 6 Márta 2007.