Sos míostraithe

Ón Vicipéid, an chiclipéid shaor.

Sainmhínithe go beacht mar stopadh an mhíostraithe, ach is coitianta an téarma a úsáid don tréimhse ama (suas le 8 mbliain roimh stopadh an mhíostraithe) ina dtarlaíonn neamhrialtacht sa timthriall míosta de bharr imeacht mhothálacht na n-ubhagán do na gónadatróifíní. Tugtar an ceanntráth air freisin. Sa tréimhse fhada seo, fiú má bhíonn an timthriall neamhrialta, ní chailltear an cumas atáirgthe. Tarlaíonn an stopadh iomlán timpeall 45-50 bliain d'aois, agus tarlaíonn suaitheadh fisiciúil (cur allais, deargadh te, faighiníteas) is sícígéineach (dúlagar, easuan, tuirse), a fhreagraíonn do theiripe éastraigine go hiondúil. Sainiúil don bhaineannach daonna, agus ní léir a shuntas.