Slí Ó Cualann
Is cosán siúlóireachta é Slí Ó Cualann (Béarla: Sugarloaf Way) atá suite i gCill Mhantáin. Síneann sé idir taobh na farraige i mBré agus Slí Cualann Nua i nDioghais.
Ní hionann é agus Slí Cualann Nua (Slí Chill Mhantáin).
Bealach[cuir in eagar | athraigh foinse]
Tá tús Shlí Cualann ag Gairdín Cuimhneacháin 1916 Chill Mocheanóg in aice le sráidbhaile Chill Mocheanóg agus lúbann agus casann sí trí bhóithríní tuaithe agus glasbhealaí feadh bhunchnoic Ó Chualann (501 meádar).
San am atá caite, ba é sin an bóthar cóiste ó Chill Mocheanóg go dtí an Tóchar. Tugann muintir na háite "Car Road" (nó Bóthar na gCarranna) ar an stráice seo den chonair, atá comhthreomhar a bheag nó a mhór leis an R755.
Tá radhairc iontacha le feiceáil ar Ghiolaspar, Bré agus Carraig Ghamhna de réir mar a thagann ard sa chonair. Agus duine ag taisteal ar bhóithríní beaga cúnga a bhfuil seanbhallaí cloiche lena dtaobh, tá casadh ó dheas sa chonair agus gabhann sí in airde trí fhéarach sléibhe áit a bhfuil radharc ar Dhioghais, Cúirt an Phaoraigh, Páirc na bhFianna agus Málainn.
Tar éis tamaill, tagann an chonair le chéile le cosán a mbaintear an-úsáid as ó charrchlós Ó Cualann go dtí mullach an tsléibhe, agus tagann deireadh le Slí Cualann sa charrchlós.