Sabina Higgins

Sabina Higgins

Beathaisnéis
Breith	7 Bealtaine 1944 79 bliana d'aois Baile an Daighin, Éire
Faisnéis phearsanta
Scoil a d'fhreastail sé/sí	Ollscoil na Gaillimhe
Gníomhaíocht
Gairm	ban-aisteoir
Teangacha	Béarla
Teaghlach
Céile	Mícheál D. Ó hUiginn

Is bean chéile Uachtarán na hÉireann í Sabina Higgins. Rugadh Sabina Coyne, Higgins anois, i gCluain Raithin ar an teorainn idir Gaillimh agus Maigh Eo agus chuaigh sí ar scoil i mBaile an Daighin agus i gClár Chlainne Mhuiris, Co. Mhaigh Eo. Ag 18 mbliana d'aistrigh sí go Baile Átha Cliath chun dul ag obair in oifig Choimisiún na Talún. Thosaigh sí ag déanamh staidéir ar an aisteoireacht le modh Stanislavsky faoi Dheirdre O'Connell a fuair oiliúint i Stiúideo na nAisteoirí i Nua-Eabhrac. Bhí Sabina ina brídeog ag bainis Dheirdre O Connell leis an amhránaí Luke Kelly (The Dubliners) agus bhí sí, in éineacht le Deirdre, ar dhuine de bhunaitheoirí Amharclann an Focus, áit ar oibrigh sí le Tom Hickey, Timmy McDonald, Mary Elizabeth Burke Kennedy, Joan Bergin agus go leor eile.

Bhuail Saidhbhín le Micheál D. Ó hUigínn ag cóisir i mBaile Átha Cliath agus i 1974 pósadh iad in Eaglais Bhóthar Haddington i mBaile Átha Cliath. Bhog Saidhbhín go Gaillimh, áit a raibh sí ag obair mar chomhpháirtí le Michael D. i ngach feachtas agus sa saol poiblí ar feadh breis agus tríocha bliain, choinnigh sí a rannpháirtíocht leis an amharclannaíocht agus leis na healaíona pobail, ag obair le hAmharclann an Druid, An Taibhearc agus grúpaí eile a bhfuil cáil dhomhanda orthu.