Rocócó
Is é atá i gceist leis an Rocócó ná stíl ornáideach ealíne a d'fhorbair as an Bharócas sa Fhrainc san ochtú haois déag. Tá an téarma bunaithe ar an bhfocal Francach rocaille, is é sin, cineál maisithe déanta as cloch agus sliogáin, a chuireadh ar phailliúin nó ar ghaiséabó.
Bhí an stíl seo faoi bhláth sa bhFrainc agus deisceart na Gearmáine timpeall 1700-1750, sular tháinig faisean nuachlasaiceach ina ionad. Cé go raibh an Barócach drámata agus cumasach galamaisíoch, rinne an Rocócó iarracht taitneamh agus fíneáltacht a bhaint amach ar scála beag, le hiarmhairtí dromchlacha in ionad maiseanna dearfacha. Mar sin, bhain sé an rath is mó amach mar stíl mhaisiúcháin inmheánaigh, mar shampla i ndearthaí Pierre Lapautre (c 1648-1716), Gilles-Marie Oppenord (1672-1742), Nicolas Pineau (1684-1754), agus Juste Aurèle Meissonier (c 1693-1754). Ba é Watteau an péintéir ba cháiliúla den stíl Rocócó.[1]
Tagairtí
[cuir in eagar | athraigh foinse]- ↑ Hussey, Matt (2011). "Rocócó". Fréamh an Eolais. Coiscéim. p. 564.
 | Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
 | Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |