Ramakrishna
  | |
| Beathaisnéis | |
|---|---|
| Breith | 18 Feabhra 1836 Kamarpukur |
| Bás | 16 Lúnasa 1886 50 bliana d'aois Calcúta |
| Siocair bháis | Bás nádúrtha (Ailse laraingeach) |
| Faisnéis phearsanta | |
| Reiligiún | An Hiondúchas |
| Gníomhaíocht | |
| Réimse oibre | Fealsúnacht |
| Gairm | fealsamh |
| Mac/iníon léinn | Swami Vivekananda |
| Teangacha | Beangáilis |
| Teaghlach | |
| Céile | Sarada Devi (1859–1886), bás an duine |
| Athair | Khudiram Chattopadhyay agus Chandramani Devi |
Ba mhisteach Indiach é Sri Ramakrishna Paramahamsa (Beangáilis: শ্রীরামকৃষ্ণ পরমহংস) a chuaigh i mbun oibre mar mhanach de chuid na Hiondúch sa 19ú haois. Rinneadh naomh dó de thairbhe a chuid gníomhartha mar cheannaire reiligiúnach i mBeangál. Deirtear go raibh taithí aige ar an eacstais ag aois an-óg, agus gur tháinig sé faoi thionchar na dtraidisiún ilchineálach- deabhóid don bhandia Kali, don Tantra, don Bhakti, agus don Avaita Vedanta, ach go háirithe.
Bhain sé cáil amach ag an Teampall Dakshineshwar Kali mar gheall ar an meon mistiúil a léirigh sé, agus de réir a chéile tharraing sé chuige roinnt múinteoirí spioradálta agus ceannairí sóisialta, chomh maith le lucht leanúna mór tuata; arna éirí leis deisceabail a earcú, bunaíodh an tOrd Ramakrishna. Bhí ana-chuid measa ag muintir Bheangál air, go háirithe an scothaicme, agus d'eascair gluaisceacht dá bharr: bhunaigh deisceabal dá chuid, Swami Vivikenanda, an Ramakrishna Math, eagraíocht a chuireann oiliúint spioradálta ar fáil do mhanaigh, agus an Misean Ramakrishna chun déirc, obair shóisialta agus oideachas a sholáthar.