Jump to content

Pléaráca Chonamara

Ón Vicipéid, an chiclipéid shaor.
Bosca Sonraí EagraíochtaPléaráca Chonamara
Sonraí
Cineáleagraíocht ealaíon Cuir in eagar ar Wikidata
Foirm dlí
Dáta díscaoilte, díothaithe nó scartáilte2015 Cuir in eagar ar Wikidata
Rialachas corparáideach
Ceanncheathrú

Twitter: Plearaca Cuir in eagar ar Wikidata

Gluaiseacht ealaíona pobail i gConamara Theas agus Oileáin Árann a mhair ó 1991 go 2015 ab ea Pléaráca Chonamara, a raibh oifigí acu i Ros Muc. Thug sé ardán d'ealaíontóirí éagsúla ar fud Chonamara: ceoltóirí, amhránaithe, damhsóirí, agus físealaíontóirí san áireamh.[1] Chuireadh Pléaráca féile deich lá ar siúl gach bliain, agus d'fhoilsigh siad iris bhliantúil chomh maith. Chuir Donncha Ó hÉallaithe, ball den bhunchoiste eagraithe, an chéad eagrán den iris in eagar in 1991.[2].

In alt a scríobh Donncha Ó hÉallaithe faoi stair Phléaráca ag comóradh fiche bliain a bhunaithe, dúirt sé go raibh bunaitheoirí na heagraíochta spreagtha ag tuairisc “éadóchasach, searbh, agus maslach” a scríobh Breandán Ó hEithir faoi staid na Gaeilge sa Ghaeltacht, agus cheap siad gur cheart rud éigin a dhéanamh chun tuairim Uí Eithir a bhréagnú.[2]. Cuireadh an chéad fhéile ar bun sa bhliain chéanna (1991), i gCamas. Ba é Johnny Chóil Mhaidhc a d'oscail an fhéile ar 6 Meán Fómhair 1991.[3]

D'eagraigh Pléaráca comórtas damhsa sean-nóis i gcuimhne ar Mháirtín Beag Ó Gríofa sa gCistin ar an gCeathrú Rua, ón mbliain 1991 amach.

Ba é Colm Ó Cinnseala ó Choiste na bhForbacha a cheap an t-ainm.[2]

Bhí Meta Uí Mháille an-ghníomhach in obair Phléaráca ó thosaigh sí leis an eagraíocht in 1994.[4]

  1. Seosamh Ó Cuaig (2019-02-13). "Ní ligfear obair Phléaráca Chonamara i ndearmad…". Dáta rochtana: 2024-01-22.
  2. 2.0 2.1 2.2 Donncha Ó hÉallaithe. "Pléaráca Chonamara 1991–2011". Dáta rochtana: 2024-01-22.
  3. "Pléaráca Chonamara — Imeachtaí". Cartlannaíodh an bunleathanach ar 2004-07-04. Dáta rochtana: 2024-01-22.
  4. "Pléaráca Chonamara" (2005-08). Dáta rochtana: 2024-01-22.