Patrick Rothfuss

Patrick Rothfuss

Beathaisnéis
Breith	6 Meitheamh 1973 51 bliana d'aois Madison, Wisconsin
Faisnéis phearsanta
Scoil a d'fhreastail sé/sí	University of Wisconsin–Stevens Point (en) - Béarla (–1999) Washington State University (en) - Máistir Ealaíon
Gníomhaíocht
Suíomh oibre	Wisconsin
Gairm	úrscéalaí, múinteoir, scríbhneoir
Tréimhse oibre	2007 –
Teangacha	Béarla
Saothar
Saothar suntasach (2007) The Name of the Wind (2011) The Wise Man's Fear (en) (2014) The Slow Regard of Silent Things
Gradam a fuarthas (2012)  David Gemmell Legend Awards (en) , as a saothar The Wise Man's Fear (en) (2007)  Quill Award (en) , as a saothar The Name of the Wind
Ainmnithe do (2015) Locus Award for Best Novella (en) , as a saothar The Lightning Tree (en) (2015) Locus Award for Best Novella (en) , as a saothar The Slow Regard of Silent Things (2012) Locus Award for Best Fantasy Novel (en) , as a saothar The Wise Man's Fear (en) (2008) Locus Award for Best Fantasy Novel (en) , as a saothar The Name of the Wind (2008) Locus Award for Best First Novel (en) , as a saothar The Name of the Wind
Síniú
Suíomh gréasáin	patrickrothfuss.com

Is scríbhneoir Meiriceánach den fhantasaíocht eipiciúil é Patrick James Rothfuss (a rugadh 6 Meitheamh 1973). Tá cáil air as a shraith trí imleabhar The Kingkiller Chronicle (Croinic an Rímharfóra). Glacann sé páirt Viari sna cluichí D&D beo ag comhdháil PAX (Penny Arcade EXPO).

Saol

Rugadh Patrick Rothfuss i Madison, Wisconsin. Fuair sé a B.S. i mBéarla ó Ollscoil Wisconsin – Stevens Point i 1999 tar éis naoi mbliana a chaitheamh ag taiscéaladh ábhar éagsúil: innealtóireacht cheimiceach, an síceolaíocht chliniciúil agus ábhair eile. Scríobh sé don nuachtáin campais The Pointer. Thosaigh sé a thríológ i 1993 agus ba dhalta é. An tráth sin, ghlacadh sé le trí phoist pháirtaimseartha. Chríochnaigh sé an tríológ sular chríochnaigh sé a chéim agus thosaigh sé á cur in eagar.

Fuair sé MA ag Ollscoil Washington State agus d’fhill sé ar Stevens Point mar mhúinteoir. Bhuaigh sé comórtas Writers of the Future 2002 le “The Road to Levinshir” (Bóthar go Levinshir), sliocht as a úrscéal neamhfhoilsithe The Wise Man’s Fear. Bhuail sé a ghníomhaire, Matt Bialer, tar éis an ceardlann sin. Ina dhiaidh sin dhíol Rothfuss a húrscéalta go DAW Books.

I 2012 chuir Rothfuss podchraoladh míosúil fantaisíochta, The Story Board, i láthair.

Eagraíonn Rothfuss an charthanacht Wordbuilders agus ó 2008 bhailigh í níos mó ná $7.4 milliún, go háirithe don Heifer International, carthanacht a cuir stoc, uisce inólta, oideachas agus oiliúint ar fail do phobail sa domhan forbraíochta.

Tá beirt mhic ag Rothfuss agus a chailín Sarah: “Oot” agus “Cutie Snoo”.

Scríbhneoireacht

Foilsíodh The Name of the Wind i 2007. Bhuaigh an leabhar Quill Award (do Ficsean Eolaíochta, Fantasaíocht agus Uafás) i 2007 agus Alex Award i 2008 agus bhí sé ar an liosta “Books of the Year” le Publishers Weekly.

I 2011 foilsíodh The Wise Man’s Fear. Shroich an leabhar an barr den New York Times Hardback Fiction Bestseller List.

D’fhoilsigh Rothfuss an nóibhille The Slow Regard of Silent Things i 2014, scéal faoi Auri, carachtar as domhan an Rímharfóir. Sa scéal sin nocht Rothfuss an ainm den domhan sin, Temerant.

Saothair

• The Kingkiller Chronicle (Croinic an Rímharfóra).
• The Name of the Wind (Ainm na Gaoithe), Aibreán 2007
• The Wise Man’s Fear (Faitíos an tSaoi), Márta 2011
• The Doors of Stone (Doirse na Cloiche), a bheith ar fáil.

Eile

• The Slow Regard of Silent Things (Aithniú Foighneach Rudaí Ciúine), Deireadh Fómhair 2014.
• The Lightening Tree (Crann Tintrí) – gearrscéal suite i domhan an Rímharfóir le páirt ag Bast (Meitheamh 2014) i Rogues (Rógairí) curtha in eagar ag George R.R. Martin agus Gardner Dozois.
• The Adventures of the Princess and Mr Whiffle, part one: The Thing Beneath the Bed (Eachtraí an Bhanphrionsa agus an Whiffleach, cuid a haon: An Rud Faoin Leaba).
• The Adventures of the Princess and Mr Whiffle, part two: The Darkness of Deep Below (Eachtraí an Bhanphrionsa agus an Whiffleach, cuid a dó: An Dorchadas i nDoimhneacht Thíos)
• Your College Survival Guide, 2005.