Páistí an Chinn Chaoch

Ón Vicipéid, an chiclipéid shaor.
Jump to navigation Jump to search
WD Bosca Sonraí LeabharPáistí an Chinn Chaoch
Fotheidil The Autobiography of a Navvy
Sampla de leabhar
Sonraí teicniúla
Údar Patrick MacGill
Foilsithe 1914
Tuilleadh eolais
ISBN 978-1-84-158000-5

Is é Paistí an Chinn Chaoch an leagan Gaeilge den leabhar Béarla dar theideal Children of the Dead End: The Autobiography of an Irish Navvy le Patrick MacGill (Pádraig Mac a' Ghoill).

I réamhrá an leabhair, sa bhliain 1914, scríobh an t-údar Pádraig Mac a' Ghoill an méid seo a leanas (i mBéarla); Sna leathanaigh seo a leanas anseo tá iarracht déanta agam scéal an náibhí a inse: an cineál saoil a chaitheann sé, na dainséir ina mbíonn sé, agus mar a bhíonn a bhás go minic. Tá mórán den scéal s'agamsa bunaithe ar daoine a raibh aithne agam orthu. Is gnáth-dhaoine iad Seòsamh an Mhuilscín & Dónall Rua, agus casadh orm iad ar oibreacha dainséartha nó i dtithe bréana aíochta... caithfear a rá gur tháinig mé tríd na h-eachtraí uile atá scríofa anseo, beagnach.

D'fhás Pádraig Mac a' Ghoill suas i dTír Chonaill ag deireadh na naoú h-aoise déag. Bhí an saol iontach crua de bharr leatrom na dtiarnaí talún, cumhacht na cléire, agus saibhreas na dtoicí móra. B'éigean dó dul ag obair mar sclabhaí feirme agus é ina ógánach fós, agus ba ghairid gur thug sé aghaidh ar Albain. D'oibrigh se ina náibhí in áiteacha éagsúla ansin, obair an-mhaslach faoi dhroch-chúinsí.

Cruthaíonn a leabhar clasaiceach 'Children of the Dead End', a foilsíodh den chéad uair i 1914, pictiúr den saol sin dúinn. Tá léargas ann ar thréithe na ndaoine, ar an drochdhóigh ar caitheadh leo, agus ar an chaidreamh eatarthu. Cé gur dhoiligh dóibh é sheas cairde le chéile agus mhair an grá ina measc. Baineann an scéal críoch chorraitheach amach, de barr grá do chailín Éireannach a cuireadh dá treoir.

Nuair nach bhfuair sé oiliúint ar bith i léamh ná scríobh a theanga féin, ní i nGaeilge a scríobh Pádraig Mac a'Ghoill. Ach a bhuíochas ar Mhícheál Mac Giolla Easbuic, anois tá 'Páistí an Chinn Chaoch' le fáil againn féin.

Mícheál Mac Giolla Easpuic a chuir an leabhar in eagar. An comhlacht foilsitheoireachta Coiscéim a d'fhoilsigh an leabhar. Clúdach: Bun an Easa, le Plunkett Smith Tá 310 leathanach sa leabhar agus cosnaíonn sé 15 Euro.

Naisc sheachtracha[cuir in eagar | athraigh foinse]