Mainistir

Ón Vicipéid, an chiclipéid shaor.
Mainistir Naomh Caitríona, Sliabh Shíonáí

Is éard atá i gceist le mainistir ná pobal manach agus iad ina gcónaí in éineacht agus ag cloí le móidí a n-oird. Bíonn mainistreacha ag eaglaisí éagsúla Críostaí, go háirithe ag na Caitlicigh agus na hOrtadocsaigh chomh maith le heaglaisí beaga Oirthearacha. Cuid de thraidisiún an Bhúdachais iad na mainistreacha freisin. Maidir leis an Ioslam, ní thugann diagacht an chreidimh sin ugach ar bith do na fíréin mainistreacha a bhunú, nó glactar leis gurbh iad na daoine daonna a cheap coincheap na manachúlachta agus nárbh é éileamh Dé é. Scéal eile áfach go ndeachaigh manachúlacht na gCríostaithe i bhfeidhm ar an Súfaíochas, ar gluaiseacht mhisteach san Ioslam é, agus tá na Súfaithe deighilte ina n-oird a d'fhéadfaí a chur i gcomparáid leis na hoird éagsúla mhanachúla.