Músaem Daonchultúir agus Iompair Uladh

Ón Vicipéid, an chiclipéid shaor.
Jump to navigation Jump to search
Seanmhuileann uisce ag an Músaem Daonchultúir

Iarsmalann i gCúl Trá, Contae an Dúin, atá in Músaem Daonchultúir agus Iompair Uladh (Béarla: Ulster Folk and Transport Museum). Tá an músaem suite 11 míle (6.8 km) soir ó Bhéal Feirste. Cuimsíonn sé dhá mhúsaem, mar atá an Músaem Daonchultúir agus an Músaem Iompair. Is é cuspóir an Músaem Daonchultúir saol agus traidisiúin mhuintir Thuaisceart na hÉireann a léiriú. Cuireann an Músaem Iompair fócas ar mhodhanna iompair talaimh, mara agus aeir. Tá sé ar na ceithre mhúsaem de chuid Músaeim Náisiúnta, Tuaisceart Éireann (National Museums Northern Ireland).

W. and G. Baird, teach clódóirí agus díoltóirí páipéireachais, a bhíodh ina sheasamh in New Row, Co. Doire, sular aistrigh go dtí an daonpháirc é

Is ag an Músaem Daonchultúir atá na príomhchartlannaí de scannáin, grianghraif, míreanna teilifíse agus fuaimthaifeadáin i dTuaisceart na hÉireann. Coimeádann an músaem cartlann na gclár raidió agus teilifíse de chuid BBC Thuaisceart Éireann. Tiocfar ag an músaem fosta ar bhreis is 2,000 uaire de chraolacháin Ghaeilge a rinne Raidió na Gaeltachta idir na blianta 1972 agus 2002 óna stiúideonna sna Doirí Beaga, Contae Dhún na nGall. Tá cartlann ann comh maith le hábhar a bhaineann le canúintí Uladh agus leabharlann le 15,000 leabhar agus tréimhseachán. Bíonn an chartlann agus an leabharlann ar oscailt don phobal le linn gnáthuaireanta oifige.

Samhail cré ag an Músaem Iompair den DMC-12 Coupe arna dhéanamh ag Italdesign Moncalieri, Turin, do De Lorean Motor Co., sa bhliain 1975

Naisc sheachtracha[cuir in eagar | athraigh foinse]