Mórbhealach Idirstáit 80

Ón Vicipéid, an chiclipéid shaor.
Jump to navigation Jump to search
Léarscáil a thaispeánann cúrsa Mhórbhealach Idirstáit 80 trasna na Stát Aontaithe

Mórbhealach tras-ilchríochach bealach isteach teoranta sna Stáit Aontaithe is ea Mórbhealach Idirstáit 80. Téann sé ó Teaneck, New Jersey, i gceantar Chathair Nua-Eabhrac, go lár San Francisco, California. Ceapadh é sa bhliain 1956 mar cheann de na chéad bhealaigh sa Chóras Mórbhealach Idirstáit. Osclaíodh an chuid dheireanach de sa bhliain 1986.

Tá Mórbhealach Idirstáit 80 nó Interstate 80 (I-80) 2,899.54 míle nó 4,666.36 ciliméadar ar fad. An dara mórbhealach is faide sa tír atá ann. Leanann sé cúrsa an tsean-Bhealach Lincoln, an chéad bhóthar trasna na Stát Aontaithe, a bheagán nó a mhórán. Leanann sé Conair Oregon trasna Wyoming agus Nebraska, agus Conair California trasna an chuid is mó de Nevada agus California. Is bóthar dola é in áiteanna i Meániarthar na tíre, mar atá, in Indiana agus Ohio.

An taobh thoir de Mhórbhealach Idirstáit 80 ina aice le Teaneck, New Jersey
I-80 in iarthar Iowa
I-80 in aice le San Francisco