Lascadh paicéad

Ón Vicipéid, an chiclipéid shaor.

Is teicníocht chumarsáide é lascadh paicéad (packet switching i mBéarla) a úsáidtear i líonraí ríomhaireachta le paicéid (aonaid eolais) a ródú idir nóid thar cainéil chumarsáide a roinntear le trácht eile. Is féidir codarsnacht a dhéanamh idir seo agus an phríomhtheicníocht chumarsáide eile ar a thugtar ciorcadlascadh. Sa chás seo, cruthaítear ceangal ar leith idir dhá nód ar feadh an ama atá siad i mbun teagmhála. Tá lascadh paicéad i bhfad níos éifeachtaí mar mhodh cumarsáide ná ciorcadlascadh mar go mbaineann sé úsáid níos fearr as an mbandaraon atá ar fáil, íslíonn sé an aga folaigh aistrithe agus méadaíonn sé láidreacht na cumarsáide.

Ródú na bPaicéad[athraigh | edit source]

Déantar ródú ar phaicéid de réir algartam ródaithe. Oibríonn sé seo amach an cosán is fearr do na paicéid thar an líonra bunaithe ar mhéadracha éagsúla (ar nós an aga folaigh íseal nó líon céimeanna íseal). D'fhéadfadh tomhaiseanna do na méadracha seo athrú am ar bith agus mar sin, is féidir le paicéid ón fhoinse chéanna, cosáin éagsúla a thaisteal ar a mbealach go dtí an ceann scríbe céanna.

Lascadh Paicéad in Úsáid[athraigh | edit source]

Is í an úsáid is cáiliúla a bhaintear as lascadh paicéad ná san Idirlíon. Baintear úsáid as an bprótacal TCP/IP le paicéid a ródú thar an Idirlíon.