Kurt Gerstein

Kurt Gerstein

Beathaisnéis
Breith	11 Lúnasa 1905 Münster
Bás	25 Iúil 1945 39 bliana d'aois Páras, An Fhrainc
Siocair bháis	Féinmharú (Crochadh)
Faisnéis phearsanta
Scoil a d'fhreastail sé/sí	Ollscoil Theicniúil Bheirlín
Áit chónaithe	Münster Saarbrücken Halbestadt (en) Neuruppin
Gníomhaíocht
Gairm	saighdiúir, innealtóir, gadaí ealaíne
Tréimhse oibre	1941 –
Fostóir	SS Leadership Main Office (en) Concentration Camps Inspectorate (en)
Ball de pháirtí polaitíochta	Páirtí na Naitsithe (1933–1933)
Ball de	SS Corps Teutonia Marburg (en) CCFÓ
Teangacha	An Ghearmáinis
Gairm mhíleata
Géillsine	Gearmáin na Naitsithe
Brainse míleata	SS
Céim mhíleata	Obersturmführer (en)
Coinbhleacht	An Dara Cogadh Domhanda
Ghlac sé/sí páirt i
1933	Nazi plunder (en)
Saothar
Saothar suntasach Gerstein Report (en)

Oifigeach de chuid an SS a bhí in Kurt Gerstein (rugadh i Münster é ar an 11 Lúnasa 1905, agus chuir sé lámh ina bhás féin i bPáras ar an 25 Iúil 1945) a bhí ina fhinné súl don Uileloscadh. Bhí sé ina oifigeach sláinteachais ag an SS, agus nuair a thosaigh na Naitsithe ag marú Giúdaigh ar scála tionsclaíoch, bhí Gerstein i láthair nuair a baineadh triail as an aonocsaíd charbóin i sceithgháis an innill dóiteáin inmheánaigh sna campaí báis i mBełżec agus i dTreblinka. I ndiaidh dó an t-uafás seo a fheiceáil, thosaigh sé ag iarraidh eolas a scaipeadh faoina raibh ar siúl sna campaí báis, le súil is go bhfaigheadh na Comhghuaillithe amach faoi.

Tá Gerstein ina chúis conspóide i measc lucht na staire i gcónaí. Cuid acu tá siad barúlach go raibh sé ina Chríostaí ionraic a d'insíothlaigh an SS as a stuaim féin le heolas a bhailiú faoi ainghníomhartha na Naitsithe. An chuid eile cuireann siad béim air gur innealtóir sláinteachais a bhí ann a rinne aireagáin a chuidigh leis na Naitsithe an tUileloscadh a chur i ngníomh. Is dóigh le cuid acu, fiú, nach raibh Gerstein ach ag iarraidh é féin a tharrtháil nuair a bhí an cogadh thart, agus nach ndearna sé a dhath le cabhrú leis na Giúdaigh le linn an chogaidh féin.