Kathleen Watkins
| Beathaisnéis | |
|---|---|
| Breith | 17 Deireadh Fómhair 1934 Teach Sagard, Éire  |
| Bás | 7 Samhain 2024 90 bliana d'aois |
| Áit chónaithe | Dumhach Thrá |
| Gníomhaíocht | |
| Gairm | scríbhneoir |
| Teaghlach | |
| Céile | Gay Byrne |
 | |
Craoltóir, scríbhneoir agus ceoltóir ba ea Kathleen Watkins (17 Deireadh Fómhair 1934 - 7 Samhain 2024).[1] Ba as Teach Sagard in iardheisceart Chontae Átha Cliath Kathleen Watkins ó dhúchas.
Gairm
[cuir in eagar | athraigh foinse]Bhain Watkins cáil amach ina hóige mar chláirseoir agus mar amhránaí tíre sula bhfuair sí post in RTÉ mar láithreoir leanúnachais. Ba í féin an chéad láithreoir leanúnachais a chonacthas ar an scáileán nuair a seoladh Telefís Éireann Oíche Chinn Bhliana 1961.
Bhí baint ag Kathleen Watkins le cláir éagsúla ar RTÉ i gcaitheamh na mblianta. Bhíodh iomaitheoirí Rós Thrá Lí os a comhair ar feadh na mblianta. Bhí an-tóir go háirithe ar an tsraith Faces & Places a chuir sí i láthair sna 1980idí.
Blianta i ndiaidh di éirí as an gcraoltóireacht, scríobh Kathleen Watkins sraith scéalta do pháistí faoi mhuicín gleoite darb ainm Pigín agus ar bronnadh gradam scríbhneoireachta uirthi as.[1]
Muintir
[cuir in eagar | athraigh foinse]Bhí Watkins pósta leis an gcraoltóir le RTÉ Gay Byrne a fuair bás sa bhliain 2019. Bhí aithne aici ar Gay Byrne roimh 1961 agus phós siad i 1964. Sheas sí leis i gcónaí go dílis.[2]
Fuair Watkins bás ar an 7 Samhain 2024. Bhí sí 90 bliain d'aois. Maireann a beirt iníonacha, Crona agus Suzy, agus a cúigear garpháistí.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 Nuacht RTÉ (2024-11-07). "An craoltóir aitheanta Kathleen Watkins tar éis bháis" (as ga-IE).
- ↑ Nuacht RTÉ (2019-11-04). "Pearsa mhór RTÉ agus na hÉireann Gay Byrne tar éis bháis" (as ga-IE).