Kate Mulgrew

Kate Mulgrew

(2016)
Beathaisnéis
Breith	(en) Katherine Kiernan Maria Mulgrew 29 Aibreán 1955 69 bliana d'aois Dubuque, Iowa
Faisnéis phearsanta
Scoil a d'fhreastail sé/sí	Scoil Tisch de chuid Ollscoil Nua-Eabhrac Ardscoil Chaitliceach Wahlert Stiúideo Aisteoireachta Stella Adler
Gníomhaíocht
Gairm	aisteoir teilifíse, aisteoir stáitse, aisteoir scannáin, aisteoir gutha
Tréimhse oibre	1975 –
Teangacha	Béarla
Teaghlach
Céile	Robert H. Egan (1982–1995) Tim Hagan (1999–2014)
Gradam a fuarthas  Audie Award for Narration by the Author or Authors (en)
Suíomh gréasáin	totallykate.com

Is ban-aisteoir Meiriceánach í Kate Mulgrew (rugadh 29 Aibreán 1955), a bhfuil cáil bainte amach aici as páirt an Chaptaein Kathryn Janeway ar Star Trek: Voyager as páirt Galina 'Red' Reznikov ar chlár Netflix "Orange is the New Black", agusas páirt Mary Ryan ar Ryan's Hope. Rugadh in Dubuque, Iowa í, agus í an dara páiste ba shine sa teaghlach.

Agus í 17 d'aois, d'fhág Mulgrew an baile le staidéar a dhéanamh ar an aisteoireacht i gCathair Nua-Eabhrac. Agus í ag freastail ar Ollscoil Nua-Eabhrac, ligeadh isteach í i Stella Adler's Conservatory. Ag deireadh a bliana sóisearaí, d'fhág sí an ollscoil chun í féin a cheangal go lánaimseartha lena ceird.

Tá páirteanna déanta ag Mulgrew i 23 dhráma, 9 scannán, 30 clár teilifíse, 6 chlosleabhar agus clár faisnéise amháin. Bhí carachtar Mary Ryan, an t-iníon ba shine ar an sobalchlár Ryan's Hope, i measc na páirteanna is luaithe a bhí aici. Bhí an-mheas ag na móidíní uirthi, agus samhlaíodh í leis an gclár i bhfad tar éis a chealaithe. Is cara léi fós a comhaisteoir Ilene Kristen, agus bhronn sí Gradam Soap Opera Digest ar dhearthóir Ryan's Hope, Claire Labine, i 1995.

2012

I measc a cuid páirteanna teilifíse eile, bhí Hillary Wheaton, láithreoir Ceanadach a bhí ag troid in éadan na halcólachta ar eipeasóid de Murphy Brown. Rinne sí páirt Janet Eldridge ar Cheers, freisin. Tá cuimhne uirthi as an bpríomhpháirt a dhéanamh ar an tsraith Mrs. Columbo.

Rinne sí páirt an Chaptaein Kathryn Janeway ar an tsraith ficsin eolaíochta Star Trek: Voyager ó 1995 go dtí 2001, agus is í sin an pháirt a tharraing an chuid is mó dá cháil uirthi go dtí seo.

2012

Cuireann sí i láthair an dráma aonréid Tea at Five, monalóg atá bunaithe ar chuimhní cinn Katherine Hepburn, Me: Stories of My Life.

Bhuaigh sí Gradam Saturn le haghaidh an "bhanaisteora ab fhearr" i 1998 agus Gradam an Golden Satellite le haghaidh an "bhanaisteora ab fhearr ar shraithscéal teilifíse" i 1998. Ainmníodh í le haghaidh Gradam an Golden Globe le haghaidh an "bhanaisteora dhramadúil ab fhearr" i 1979.

Bhí fear céile Mulgrew, Tim Hagan, ina ainmnitheach Daonlathach d'oifig Ghabharnóir Ohio i dtoghchán na bliana 2002, ach bhuaigh Robert A. Taft II air.

Rinne sí fógra raidió ar son mhanaigh Thrapacha Mhainistir New Melleray, agus tá fógraí déanta aici ar son chórais MetroHealth Cleveland, Ohio.

Dúirt Mulgrew go bhfuil sí i gcoinne an ghinmhillidh agus phionós an bháis.

Naisc sheachtracha

• (Béarla) Totally Kate, suíomh oifigiúil