Ionchúiseamh Feidearálach in aghaidh Donald Trump (eolas rúnda slándála)
| ||
| Cineál | cás dlí cás coiriúil ionchúiseamh de Donald Trump, Walt Nauta (en)  , Carlos De Oliveira (en)  | |
|---|---|---|
| Bailíocht | 8 Meitheamh 2023 - | |
| Tír | Stáit Aontaithe Mheiriceá | |
| Cúis | FBI investigation into Donald Trump's handling of government documents (en) | |
| Cúisitheoir | Smith special counsel investigation (en) | |
| Cosantóir | ||
| Cúirt | United States District Court for the Southern District of Florida (en) | |
| Breitheamh | Aileen Cannon (en) | |
Ar 8 Meitheamh 2023, bhí iaruachtarán na Stát Aontaithe, Donald Trump, cúisithe ag ardghiúiré feidearálach i gcáipéisí rúnaicmithe rialtais a choinneáil, tar éis dó imeacht as an Teach Bán in 2021 agus i mbac a chur ar riar na córa. Tugtar United States v. Donald J. Trump and Waltine Nauta ar an gcás (Waltine Nauta ba ea an cúntóir pearsanta ag Trump ag an am). Bhí cúiseanna eile curtha ina leith chomh maith – comhcheilg a bheith ar bun aige agus ráitis bhréige a dhéanamh ina measc.[1]
Cúlra[cuir in eagar | athraigh foinse]
_cover_sheets_-_from,_Classified_intelligence_material_found_during_search_of_Mar-a-Lago_(cropped).jpg)
I mí Lúnasa 2022, rinne gníomhairí ón FBI ruathar gan choinne ar eastát an iar-Uachtaráin in Florida Chuardaigh na gníomhairí an áit go mion agus thug siad leo na mílte cáipéis a bhí faoi ghlas i dtaisceadán.
De réir an dlí, ba cheart aon cháipéis rúnaicmithe a bhí ina sheilbh ag Trump a bheith tugtha ar láimh aige do Chartlann Náisiúnta na Stát Aontaithe nuair a tháinig deireadh lena théarma oifige.
Líomhnaítear gur thug Trump cáipéisí rúnaicmithe ón Teach Bán go dtí Florida leis lena scrios nuair a tháinig deireadh lena thréimhse mar uachtarán, beart a bheadh in aghaidh an dlí. Faoi Acht Thaifid an Uachtaráin, is leis an Rialtas gach ábhar oifigiúil agus ní mór é ar fad a chur ar fáil don chartlann ach a dtagann deireadh le téarma Uachtaráin. Choinnigh an t-iarUachtarán 15 bosca d’ábhar a d’iarr oifigigh ón gCartlann Náisiúnta air a thabhairt ar ais ar feadh roinnt míonna agus níor scar sé leo go dtí gur bagraíodh an dlí air chun iad a fháil ar ais.[2]
Imeachtaí[cuir in eagar | athraigh foinse]
Le linn 2022/2023, bhí an t-abhcóide speisialta Jack Smith ag leanacht lena chuid oibre. Beidh tuilleadh fógraí faoi chúiseanna á ndéanamh aige sna míonna seo romhainn.
Bhí ard-Ghiúiré curtha faoi mhion i mí Iúil 2023 i Georgia.[3] Tabharfaidh an Ard-Ghiúiré breithiúnas ar na céadta cáipéis atá á gcur mar fhianaise go ndearna Trump iarracht toradh thoghchán na huachtaránachta in 2020 a chur ar neamhní go calaoiseach.[4]
Mí na Nollag i 2023 an dáta a bhí leagtha don chás. Ach bhí súil ag foireann Trump nach mbeidh aon triail ann go dtí tar éis an toghcháin i mí na Samhna 2024.[4]
Polaitíocht[cuir in eagar | athraigh foinse]
Tá na pobal a thacaíonn le Trump dall ar na cúiseanna agus na cásanna seo ar fad. Níl tada sa dlí a chuirfeadh cosc air bheith ina Uachtarán agus é ciontaithe i gcoir. Má bhíonn Trump ciontaithe féin, is féidir leis maithiúnas a thabhairt dó féin a luaithe agus a bheidh sé tofa mar Uachtarán in 2024.[4]
Féach freisin[cuir in eagar | athraigh foinse]
- Ionchúiseamh Feidearálach in aghaidh Donald Trump (toghchán 2020)
- Ionchúiseamh Donald Trump in Georgia
Naisc sheachtracha[cuir in eagar | athraigh foinse]
- Senate Committee on the Judiciary,: Subverting Justice: How the Former President and His Allies Pressured DOJ to Overturn the 2020 Election, 2021-10-07[6]
Tagairtí[cuir in eagar | athraigh foinse]
- ↑ "Donald Trump cúisithe i gcáipéisí rúnaicmithe a choinneáil" (as ga) (2023-06-09).
- ↑ "Trump cúisithe as cáipéisí rúnaicmithe a choinneáil go mídhleathach" (ga-IE). Tuairisc.ie (2023-06-09). Dáta rochtana: 2023-06-09.
- ↑ "A grand jury sworn in Tuesday could decide whether Trump is charged over Georgia's 2020 election" (en). AP News (2023-07-11). Dáta rochtana: 2023-07-14.
- ↑ 4.0 4.1 4.2 Máirín Ní Ghadhra (14 Iúil 2023). "Ní cosúil go gcuirfidh an dlí aon bhac ar iarracht Trump filleadh ar an Teach Bán" (ga-IE). Tuairisc.ie. Dáta rochtana: 2023-07-14.
- ↑ "Subverting Justice: How the Former President and His Allies Pressured DOJ to Overturn the 2020 Election | United States Senate Committee on the Judiciary" (en). www.judiciary.senate.gov. Dáta rochtana: 2023-08-20.
- ↑ "Subverting Justice: How the Former President and His Allies Pressured DOJ to Overturn the 2020 Election | United States Senate Committee on the Judiciary" (en). www.judiciary.senate.gov. Dáta rochtana: 2023-08-20.