Ionad Trádála Domhanda

Ón Vicipéid, an chiclipéid shaor.
Jump to navigation Jump to search
Pictiúr den dá phríomhthúr san Ionad Trádála Domhanda, sé mhí sular leagadh iad.

Ba ghrúpa foirgneamh ilstórach é an tIonad Trádála Domhanda (Béarla: World Trade Center (WTC)), suite i Nua-Eabhrac. Leagadh go talamh an WTC in ionsaí sceimhlitheoireachta 9/11, ar an 11 Meán Fómhair 2001.

Níl an áit ina raibh an tIonad Trádála Domhanda suite ach coiscéimeanna ón áit a bhfuil an t-ionad cuimhneacháin, an "Irish Hunger Memorial", i Battery Park City ag Vesey Street agus North End Avenue, ar bhruach Abhainn an Hudson[1].

Stair[athraigh | athraigh vicithéacs]

Bhí seacht bhfoirgneamh ar fad ann. Minoru Yamasaki, ailtire Meiriceánach, a dhear an t-ionad don Port Authority of New York and New Jersey (PTA). D'osclaíodh go hoifigiúil an WTC ar 4 Aibreán 1973.

Inniu

Sa bhliain 1993, maraíodh seisear nuair a phléasc buama i ngaráiste páirceála faoin World Trade Center. Ar an lá sin, tháinig an Gael-Mheiriceánach Eamon J. McEneaney slán as an Ionad Trádála Domhanda mar laoch: "nuair a phléasc buama faoin dá thúr ar an lá sneachtúil sin, threoraigh McEneaney suas le 60 duine dá chomhoibrithe trí staighrí dorcha a bhí lán toite go dtí go raibh siad slán sábháilte"[2].

Leagadh go talamh an WTC in ionsaí sceimhlitheoireachta 9/11, ar an 11 Meán Fómhair 2001. Tá go leor searmanas i gcuimhne orthu siúd a cailleadh san ionsaí sceimhlitheoireachta. I measc na ndaoine a rabhthas ag cuimhneamh orthu ag na hócáidí sin, bhí póilín de bhunadh Éireannach, Stephen Driscoll[3].

An suíomh inniu[athraigh | athraigh vicithéacs]

Tá foirgnimh ilstórach ar an suíomh anois, 1-7 World Trade Center "[4], in éineacht le cuimhneachán do na daoine a fuair bás sa tragóid, agus músaem faoin ionsaí 9/11 agus modh iompair an WTC.

An WTC nua: Tá foirgnimh 1 agus 4 le feiceáil i lár an phictiúir.

Tagairtí[athraigh | athraigh vicithéacs]

  1. Beo EAGRÁN 16 · LÚNASA 2002
  2. Beo, EAGRÁN 46 · FEABHRA 2005
  3. Beo, "Ag cuimhneamh ar laochra an 11 Meán Fómhair", EAGRÁN 16 · LÚNASA 2002
  4. ny.curbed.com: The status of the World Trade Center complex