Guthan nan Eilean

Guthan nan Eilean

Is tionscadal ilteangach agus ilmheán é Guthan nan Eilean, (Gaeilge: Guthanna na nOileán) agus é mar phríomhaidhm aige teangacha Na hOileáin Siar a ghabháil agus a chur i láthair mar a labhraítear sa phobal iad i bhfoirm ar líne a bheidh úsáideach d’fhoghlaimeoirí. Cuireadh tús leis i 2005 leis an tionscadal Eorpach POOLS . I gcomhpháirtíocht le heagraíochtaí in Uibhist, ar nós Chothrom, rinne Sabhal Mòr Ostaig 40 físeán gearr i nGaeilge agus i mBéarla. Ba é sin Sraith a hAon a bhuaigh Gradam Eorpach na dTeangacha 2007. Rinneadh Sraith a Dó, a bhí i bhfad níos mó, idir 2008 agus 2010. Ag deireadh an ama sin bhí 150 físeán ar an iomlán ar fáil saor in aisce ar shuíomh Gréasáin an tionscadail.

Ó 2011 ar aghaidh tá athrú tagtha ar mhodh oibre an tionscadail. . In ionad fostaithe ábhar físe a dhéanamh, spreagann an tionscadal anois daoine sa phobal a gcuid saothar féin a chruthú. Is féidir leo físeáin nó fuaime a thaifeadadh, nó is féidir leo téacs a scríobh. Ansin cuirfidh siad ar líne é ar shuíomh Ghuthan nan Eilean nó, b’fhéidir, ar bhlag a thosaíonn siad féin. Chomh maith leis sin, cabhraíonn an tionscadal le heagraíochtaí sa phobal, a leithéid agus Stòras Uibhist agus Chomann Eachdraidh Uibhist a Tuath, le tionscadail níos mó dá gcuid féin.

Taobh le taobh leis an obair chruthaitheach sin, tá tionscadal taighde á reáchtáil a fhéachann go géar ar an gcaoi a n-úsáidtear agus a fhoghlaimítear Gaeilge na hAlban sa phobal inniu. Áirítear leis sin na meáin nua agus na meáin shóisialta, agus an tionchar a bhíonn acu ar úsáid na teanga sa phobal. Cuirtear na tuarascálacha taighde seo ar shuíomh an tionscadail freisin, ionas gur féidir le daoine sa chomharsanacht iad a fheiceáil go héasca agus go hoscailte.

Naisc sheachtracha

• Làrach-lìn Guthan nan Eilean
• Bhideothan Guthan nan Eilean tro Clilstore
• Island Voices - Guthan nan Eilean