Greta Garbo

Greta Garbo
Ainm breithe	Greta Lovisa Gustafsson
Breith	18 Meán Fómhair 1905
	An tSualainn
Bás	15 Aibreán 1990
	Nua-Eabhrac, Nua-Eabhrac
Náisiúntacht	Sualannach
Gairm	Aisteoir
Gníomhach	1920 - 1941

Aisteoir Sualannach ab ea Greta Garbo nó Greta Lovisa Gustafsson (a rugadh ar an 18 Meán Fómhair 1905 agus fuair bás ar an 15 Aibreán 1990). Réalt i ré deireanach na scannán gan fhuaim agus Ré Órga Hollywood a bhí inti. Sa bhliain 1999 thug an American Film Institute an cúigiú háit di ar an liosta s'acusan de 50 banlaoch na scannán Meiriceánach.

Bhí páirt aici den chéad uair i scannán Sualannach sa bhliain 1924, mar atá, Gösta Berlings saga. Thug sí a haghaidh ar Mheiriceá go gairid ina dhiaidh sin. I measc na scannán a chuir lena chlú bhí Mata Hari (1931), Grand Hotel (1932), agus Camille (1936). I ndiaidh an 28ú scannán aici, The Two-Faced Woman, sa bhliain 1941, d'éirigh sí as an aisteoireacht.

Níor phós Garbo riamh. Bhí sí mór leis an aisteoir John Gilbert ar feadh bliain nó dhó ach bhí spéis níos mó aici sna mná. Chuir sí fúithi i gCathair Nua-Eabhrac agus ghlac sí saoránacht Mheiriceánach. Bailitheoir ealaíne agus infheisteoir ábalta í.