Graham Knuttel
  | |
| Beathaisnéis | |
|---|---|
| Breith | 1954 Baile Átha Cliath, Éire |
| Bás | 2023 68/69 bliana d'aois |
| Faisnéis phearsanta | |
| Scoil a d'fhreastail sé/sí | Scoil Pháirc Sandford |
| Gníomhaíocht | |
| Gairm | péintéir, dealbhóir |
Ba dhealbhóir agus péintéir é Graham Knuttel (1954 – 27 Bealtaine 2023).[1] Tá sé áirithe ar dhuine de shárdhealbhóirí na hÉireann agus tá a chuid saothar le feiceáil in áiteanna poiblí ar fud na tíre agus thar lear. Is i mBaile Átha Cliath a chaith sé an chuid is mó dá shaol, áit ar chruthaigh sé saothair ealaíne a bhain clú agus cáil náisiúnta agus idirnáisiúnta amach i gcaitheamh na mblianta.[2]
Saol
[cuir in eagar | athraigh foinse]Rugadh Graham Knuttel i mBaile Átha Cliath in 1954 agus oileadh é sa dealbhóireacht agus sa phéintéireacht i gColáiste Ealaíne agus Deartha Dhún Laoghaire.
Is leis an dealbhóireacht a chuaigh sé ar an gcéad dul síos. Ach thiontaigh sé ar an bpéintéireacht ina dhiaidh sin, athrú ar bhain sé tairbhe mhór as.
Bhí cáil air i dtús a shaoil ghairmiúil as na dealbha móra a chruthaigh sé agus ina dhiaidh sin as gealdathanna a chuid pictiúr.
Bhí an-tóir ar a chuid saothar i measc bónna móra fearacht na n-aisteoirí Robert De Niro agus Sylvester Stallone.
Shaothraigh sé a lán airgid freisin as cead a thabhairt a chuid pictiúr a chur ar fáil ar bhonn tráchtála agus tá cuid de na híomhánna is cáiliúla leis le feiceáil ar leithéidí mataí boird agus mar sin de.
Bhí Knuttel 69 bliain d'aois nuair a d'éag sé ar 27 Bealtaine 2023.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "Graham Knuttel" (ga). www.facebook.com. Dáta rochtana: 2023-05-30.
- ↑ Nuacht RTÉ (2023-05-30). "An t-ealaíontóir Graham Knuttel tar éis bháis" (as ga-IE).
| Rialú údaráis: Idirnáisiúnta |
|---|
