Germaine de Staël

Germaine de Staël
	;
Beathaisnéis
Breith	(fr) Anne-Louise Germaine Necker ; 22 Aibreán 1766; Páras (Ríocht na Fraince)
Bás	14 Iúil 1817 ; 51 bliana d'aois; Páras (Bourbon Restoration in France)
Siocair bháis	Bás nádúrtha
Áit adhlactha	Coppet Castle (en)
Gníomhaíocht
Suíomh oibre	Weimar
Gairm	scríbhneoir, polaiteoir, comhfhreagraí, léirmheastóir liteartha, salonnière, dialannaí, fealsamh
Gluaiseacht	French Romanticism (en)
Teangacha	An Fhraincis
Saothar
	Saothar suntasach (1807) Corinne ou l’Italie; (1813) De l'Allemagne ;
Teaghlach
Céile	Erik Magnus Staël von Holstein (1786–1800); Albert Jean Michel de Rocca (1811–1817)
Páirtí	Benjamin Constant ; Charles-Maurice de Talleyrand-Périgord ; Louis, comte de Narbonne-Lara
Páiste	Albertine, banbharún Staël von Holstein; ( Erik Magnus Staël von Holstein); Auguste-Louis de Staël-Holstein; ( Erik Magnus Staël von Holstein); Louis Alphonse de Rocca; ( Albert Jean Michel de Rocca)
Athair	Jacques Necker agus Suzanne Curchod
Duine muinteartha	Louis Necker (uncail); Jacques Necker de Saussure (col ceathar)
	Síniú

Scríbhneoir agus fealsamh Francach de bhunadh an chantúin Vaud agus na Ginéive ab ea Anne-Louise Germaine Necker, baronne de Staël-Holstein, nó Madame de Staël mar ab fhearr aithne uirthi. Do rugadh í ar an 22ú lá d'Aibreán sa bhliain 1766 i bPáras na Fraince agus do fuair sí bás san áit chéanna ar an 14ú lá d'Iúil sa bhliain 1817.

Lena leabhar De l'Allemagne [i nGaeilge: Faoin nGearmáin], leabhar a foilsíodh sa bhliain 1813, tharraing Madame de Staël aird mhuintir na Fraince ar litríocht na Gearmáine agus ar na scríbhneoirí a scríobhadh i nGearmáinis. Ar an modh san, do réitigh sí an tslí do Rómánsachas na Fraince, gluaiseacht liteartha a fuair spreagadh ó Rómánsachas na Gearmáine agus Rómánsachas Shasana araon.

Is iad Delphine (1802) agus Corinne ou l'Italie [i nGaeilge: 'Corinne nó an Iodáil'] (1807), úrscéalta a thugann tús áite do mhná agus do gheimhle na sochaí a chuir laincis orthu, na saothair fhicsin is tábhachtaí dá cuid.

Ní ar na húrscéalta sin a bunaíodh an clú agus an cháil a bhain Germaine de Staël amach lena linn áfach, ach ar na haistí fealsúnta a scríobh sí:

Lettres sur les ouvrages et le caractère de Jean-Jacques Rousseau [i nGaeilge: 'Litreacha faoi shaothair agus faoi aigne Jean-Jacques Rousseau'] (1788) ;
De l'influence des passions sur le bonheur de l'individu et des nations [i nGaeilge: 'Faoin dtionchar a bhíonn ag na mothúcháin ar shonas an duine agus na náisiún'] (1796) ;
De la littérature considérée dans ses rapports avec les institutions sociales [i nGaeilge: 'Faoin litríocht, í cíortha i dtaobh na ngaolta atá idir í agus institiúidí na sochaí'] (1800).