Gavriil Pribilof

Gavriil Pribilof

Beathaisnéis
Breith	18 haois Okhotsk, An Rúis
Bás	1796 Sitka, Alaska
Gníomhaíocht
Gairm	taiscéalaí

Maraí Rúiseach ab ea Gavriil Loginovich Pribylov (Rúisis: Прибыло́в, Гаврии́л Ло́гинович; scríobhtar an t-ainm deireanach leis mar Pribylof freisin) (r. 1747 nó 1748 agus b. 1796). Eisean a bhí gceannas ar an gcéad ghrúpa Eorpach dár tháinig ar Oileán George agus Oileán Paul i Muir Bheiring i 1786 agus 1787, faoi seach. Na hOileáin Pribilof a thugtar anois ar an dá oileán sin móide roinnt oileáin bheaga thart timpeall orthu.

Rugadh Pribilov in Otkhotsk, i gCianoirthear na Rúise. Captaen an long San Seoirse (Sv. Georgui Pobedonosets) ab ea é. Rinne sé an turas faoi urraíocht beirt cheannaithe fionnaidh rúiseacha, mar atá Grigori Shelikhov agus Pavel Lebedev-Lastochkin.

Níorbh é Pribilog aimsitheoir na n-oileán, ar ndóigh, mar bhí 'fhios ag na bundúchasaigh sa chuid sin d'Alasca go raibh siad ann. Na hOileáin Amiq an t-ainm a bhí acu orthu. Threoraigh mac le taoiseach Ailiútach Pribilov i dtreo ginearálta na noileán, a raibh áit acu i dtraidisiúin na nAiliútach le fada. Bhí na hoileáin neamháitrithe ag an am. D'fhág Pribilof 20 duine, idir Ailiútaigh agus Rúisigh, iad i mbun seilge, ar na hoileáin agus ba shin tús cónaí rialta ag daoine orthu.