Féile an Tiomnaithe

Ón Vicipéid, an chiclipéid shaor.
Jump to navigation Jump to search
Hanukkah menorah (Chanukiah)

Sa traidisiún Giúdach, ceiliúrtar Hanukkah[1] (חנוכה) nó Féile an Tiomnaithe timpeall mhí na Nollag. Glaoitear Féile na Soilse ar an bhféasta chomh maith.

Féilire[cuir in eagar | athraigh foinse]

Ní ar an dáta céanna a bhíonn Hanukkah gach aon bhliain. Toisc go leanann na Giúdaigh féilire na gealaí, is féidir é a thosú ag aon dáta ó dheireadh mhí na Samhna go deireadh mhí na Nollag. I 2017 mar shampla, lean Hanukkah ón 12ú go dtí an 20ú Nollaig.[2]

Nósanna[cuir in eagar | athraigh foinse]

Lastar ocht gcoinneal, ceann i ndiaidh a chéile thar thréimhse ocht lá, i gcuimhne ar an gcogadh a chuir na Macabaeigh ar arm rí Shiria, Antiochus IV, chun seilbh a fháil ar an Teampall in Iarúsailéim.[3] Deirtear go bhfuil an deasghnáth seo mar chuimhneachán ar an mhíorúilt a tharla sa Teampall in aimsir na Macabaech: bhí go leor ola i gcrúiscín amháin chun an meanóra a choimeád ar lasadh ar feadh seachtaine.  Ach is dócha go ndeineann an deasghnáth tagairt do ghrianstad an gheimhridh, a tharlaíonn timpeall an ama chéanna.[4]

Bia[cuir in eagar | athraigh foinse]

bia Hanukkah

Is nós é ‘latkes’ a ithe mar chuid den fhéile, cineál pancóige déanta as prátaíbacstaí atá i gceist. Nó ‘núdal kugel’, sórt milseoige atá ann.

חנוכה - Hanukkahː Lastar ocht gcoinneal, ceann i ndiaidh a chéile thar thréimhse ocht lá,

Tagairtí[cuir in eagar | athraigh foinse]

  1. nó Chanukah
  2. Maidineacha Caife (12-2017). "AN TAOBH Ó THUAIDH". Dáta rochtana: 2020.
  3. P.J. Mac Gabhann. "An tAm seo Bliana" (ga). Beo!. Dáta rochtana: 2020-12-11.
  4. Torlach Mac Con Midhe (2018-06-19). "16. Muintir an Earraigh" (ga). Crothla agus Cnámha. Dáta rochtana: 2020-12-11.