Douala

Is é Douala an chathair is mó agus an lárionad trádála is mó i gCamarún, san Afraic. Tá sé suite in inbhear an Wouri, agus tá an calafort is tábhachtaí sa tír in Douala. Is é príomhchathair riaracháin Réigiún an Chósta é. Tá 2,446,945 duine ina gcónaí ann de réir meastacháin a rinneadh sa bhliain 2012. Ceaptar go bhfuil breis is 3 mhilliún duine ina gcónaí i mórcheantar uilig na cathrach.