Deepwater Horizon

Deepwater Horizon
	28° 45′ 19″ N, 88° 23′ 16″ O / 28.7554°N,88.3877°W
Lipéad sa teanga dhúchais	(ru) Deepwater Horizon
Cineál	semi-submersible platform (en) ; long bhriste
Tír	Stáit Aontaithe Mheiriceá
Oibreoir	Transocean
Luas	4 kn
Croineolaíocht
Nollaig 1998	D'ordaigh
21 Márta 2000	Leag an cíle
23 Márta 2001	Seoladh loinge
20 Aibreán 2010	Deepwater Horizon explosion (en)
22 Aibreán 2010	Longbhriseadh

Ardán druileála ola i Murascail Mheicsiceo ba ea an Deepwater Horizon, rige ola de chuid British Petroleum (BP). Bhí an tobar 40 míle i bhfarraige ó chósta Louisiana agus an tobar is doimhne dár ndearnadh riamh ar domhan.

Phléasc an rige ola ar an 20 Aibreán 2010. Bhí na mílte tonna den amhola ag teacht i dtír ag an am. Meastar go raibh an doirteadh ola seo ar an tubaiste timpeallachta is measa riamh i stair na Stát Aontaithe.^[1]

Cúlra

Físeán

Tá an tobar a dhruileáil an Deepwater Horizon ar an tobar is doimhne dár ndearnadh riamh (‘Druileáil Domhainmhara’ nó Deepwater drilling). Bhí béal an tobair ar ghrinneall míle faoi dhromchla na farraige. Ansin bhí an tobar féin 35,000 troigh (10,000 méadar) ar doimhne..^[1]

Braitheann an cineál seo druileála ar an teicneolaíocht is nua-aimseartha dá bhfuil ann. Bíonn an obair a bhaineann leis fíorchasta agus bíonn contúirt mhór ag baint leis.

Bhí costas de chéad milliún dollar ag baint le Deepwater Horizon. Nuair a thosaíonn an obair dhruileála, cosnaíonn gach bomaite suim mhór airgid. Bhí brú an-mhór, dá chionn sin, ar bhainisteoirí cur in aghaidh aon innealtóir a chuirfeadh locht nó dearmad in iúl. Mar sin, ní iontas ar bith é gur ag an tobar is nua agus is doimhne sa bhliain 2010 a tharla an tubaiste timpeallachta is measa.^[1]

Imeachtaí

Rinne BP roinnt iarrachtaí an tobar a stopadh ach theip orthu, arís is arís.

Dúirt BP ag an am go raibh an tobar ag scairdeadh 5,000 bairille ola in aghaidh an lae amach san fharraige. Ach faoi cheann roinnt seachtainí, bhí orthu an uimhir sin a mhéadú go 60,000 bairille (níos mó ná dhá mhilliúin galún).^[1]

Polaitíocht

Bhí an tubaiste ina conspóid pholaitíochta faoin am seo chomh maith le bheith ina tubaiste tráchtála agus timpeallachta. Bhí na Poblachtánaigh ag cur an mhilleáin ar an Uachtarán Obama agus bhí Obama ag cur an mhilleáin ar BP.^[1] Thug Obama “tubaiste ollmhór timpeallachta gan fasach” ar an doirteadh i Murascaill Mheicsiceo.

Ag breathnú siar dúinn anois, is cinnte gur féidir an milleán a chur ar BP, ar an Minerals Management Service (Gníomhaireacht Stáit), agus ar roinnt conraitheoirí móra ar nós Transocean (a thóg an rige).

Mar sin féin, tá an druileáil domhainmhara chomh casta agus tá na costais chomh mór is go bhfuil contúirt mhór ag baint léi.^[2]

Léiríonn cás an Deepwater Horizon nach amháin go bhfuil costais mhóra timpeallachta ag baint le hiompar na hola (Exxon Valdez (1995)) agus le dó na hola (Athrú aeráide) ach go bhfuil costais mhóra timpeallachta ag baint lena hastarraingt freisin.^[1]

Cultúr

Rinne an sitúrthóir/scríbhneoirPeter Berg an scannán, Deepwater Horizon, saothar a bhí dírithe ar eachtraí a tharla agus ina raibh Wahlberg mar Thadhg an mhargaidh.^[3]

Féach freisin

Tagairtí

↑ ^1.0 ^1.1 ^1.2 ^1.3 ^1.4 ^1.5 Ciarán Mac Aonghusa (2010). "Deireadh le Ré na hOla?" (ga). Beo!. Dáta rochtana: 2021-07-06.
↑ "Ainmhí Contúirteach ag Salú na Cruinne, An Duine" (ga). Beo! (2011). Dáta rochtana: 2021-07-06.
↑ Breandán M Mac Gearailt (2017). "LÉIRMHEAS SCANNÁIN: Ní achrann go dtí pléascadh Patriots Day" (ga-IE). Tuairisc.ie. Dáta rochtana: 2021-07-06.

[:0-1] 1.0 ^1.1 ^1.2 ^1.3 ^1.4 ^1.5 Ciarán Mac Aonghusa (2010). "Deireadh le Ré na hOla?" (ga). Beo!. Dáta rochtana: 2021-07-06.

[2] "Ainmhí Contúirteach ag Salú na Cruinne, An Duine" (ga). Beo! (2011). Dáta rochtana: 2021-07-06.

[3] Breandán M Mac Gearailt (2017). "LÉIRMHEAS SCANNÁIN: Ní achrann go dtí pléascadh Patriots Day" (ga-IE). Tuairisc.ie. Dáta rochtana: 2021-07-06.

[1]

[2]

[3]