Jump to content

Caisleán Dhrom Mór (Contae an Chláir)

Ón Vicipéid, an chiclipéid shaor.
WD Bosca Sonraí Foirgneamh
WD Bosca Sonraí Foirgneamh
Caisleán Dhrom Mór
Íomhá
Sonraí
CineálTúrtheach Cuir in eagar ar Wikidata
Suíomh geografach
Limistéar riaracháinContae an Chláir, Éire Cuir in eagar ar Wikidata
Map
 52° 56′ N, 8° 58′ O / 52.93°N,8.96°W / 52.93; -8.96
Séadchomhartha náisiúnta na hÉireann
Aitheantóir583

Túrtheach agus Séadchomhartha Náisiúnta é Caisleán Dhrom Mór atá suite idir bailte Croisín agus Cora Finne i gContae an Chláir, Éire.[1][2]

Inniu, is í an tSeirbhís Páirceanna Náisiúnta agus Fiadhúlra a riarann an caisleán mar chuid de Thearmann Dúlra Choill Dhrom Mór.

Suíomh

[cuir in eagar | athraigh foinse]

Tá Caisleán Dhrom Mór suite ar leithinis sa chuid thuaidh de Loch Dhrom Mór, 1.8 km (1.1 mhíle) soir ón Ruán. Tá sé laistigh de Tearmann Dúlra Choill Dhrom Mór.[3]

Tá an baile fearainn Drom Mór suite idir bailte Croisín agus Cora Finne, siar ó mhótarbhealach an M18 agus lastuaidh d'Inis.[3]

Stair

[cuir in eagar | athraigh foinse]

Is dócha gur tógadh Caisleán Dhrom Mór go luath sa 16ú haois. Sa 17ú haois, rinne Teige O'Brien de chlann Uí Bhriain é a dheisiú agus a leathnú. Bronnadh caisleán agus tailte an bhaile fearainn ar athair Taidhg, Connor (Tríú Iarla Thuamhain), i 1579. Bhí Dermot, mac Teige, ina phearsa thábhachtach i gCogadh na hAon Bhliana Déag agus ghlac sé páirt i Léigear Chaisleán Baile Uí Áille (Inis). Ba é Conor, a d’imigh sa bhliain 1689, a bhí ar an Ó Briain dheireanach ag an gcaisleán. Thit an caisleán ina fhothrach san 18ú haois.[4][5]

Cur síos

[cuir in eagar | athraigh foinse]
Radharc ar an gcaisleán ón iarthar

Tá an caisleán ceithre stór ar airde agus boghta os cionn urlár na talún.

Tá staighre leathan ciorclach ar thaobh na láimhe deise den phríomhdhoras, seomra cosanta beag ar chlé agus teallach cloiche sa seomra ar chlé ar an gcéad urlár.

Tá poll lámhaigh ciorclach gearrtha isteach sa staighre idir an chéad urlár agus an dara hurlár. Tá chemin de ronde timpeall ar na beanna ar an díon, simléar ard dronuilleogach ar a bhfuil cúpla múchán agus coirbéil i gcruth muileata a thacaigh le bartasán cúinne tráth.

Tá inscríbhinn i mBéarla os cionn an dorais: "Tógadh an caisleán seo ag Teige, an dara mac ag Conchúr, tríú hIarla Thuamhain agus ag Slany Brien bean chéile an Teige Anno sin [dáta doléite]".[6]

Tagairtí

[cuir in eagar | athraigh foinse]
  1. ↑ “Holdings: Dromore Castle, Ennis, Co. Clare”.
  2. ↑ MacNeill (1 January 1990). "Máire Rua: Lady of Leamaneh". Ballinakella Press. ISBN 9780946538454.– tríd Google Books 
  3. ↑ 3.0 3.1 “Dromore Wood Nature Reserve”. Burren National Park. Cartlannaíodh an bunleathanach ar 13 May 2016. Dáta rochtana: 16 December 2013. Earráid leis an lua: Invalid <ref> tag; name "BNP" defined multiple times with different content
  4. ↑ “Ruan - Places of interest”. Clare Library. Dáta rochtana: 16 December 2013.
  5. ↑ Spellissy (1 January 2003). "A History of County Clare". Gill & Macmillan. ISBN 9780717134601.– tríd Google Books 
  6. ↑ This castle was built by Teige, second sone to Connor, third Earle of Thomond and by Slany Brien wife to the said Teige Anno [date illegible]
Aisghafa ó "https://ga.wikipedia.org/w/index.php?title=Caisleán_Dhrom_Mór_(Contae_an_Chláir)&oldid=1242823"