Cailleach dhearg

Ón Vicipéid, an chiclipéid shaor.
Cailleach dhearg
Papaver rhoeas - Köhler–s Medizinal-Pflanzen-101.jpg
Aicmiú eolaíoch
Ríocht: Plantae
Aicme: Eudicots
Ord: Ranunculales
Fine: Papaveraceae
Géineas: Papaver
Linnaeus.

Planda bliantúil a fhásann 60 cm díreach ar airde, a tháirgeann laitéis bhán. Dúchasach don Eoraip is an Áise, agus tugtha isteach i dtíortha eile. Na duilleoga roinnte colgach; na bláthanna cruinn le 4 pheiteal geal scarlóideach, uaireanta le bunphaiste dorcha; an capsúl i gcruth piobaráin le fáinne poll timpeall an imill. B'fhiaile fhorleathan í tráth, na síolta suanach sa talamh ar feadh cuid mhaith blianta, ag teacht chun cinn go tapa nuair a d'iompaítí an ithir i dtalamh insaothraithe nó suaite. Tá sí ag dul i léig anois le teicníochtaí feabhsaithe talmhaíochta. Is siombail bhrónach í den chéad chogadh domhanda, mar bhláthaigh cailleacha dearga sna páirceanna áir a bhí suaite ag buamáil, cath is bás.