Cúigear Ros Dumhach

Ón Vicipéid, an chiclipéid shaor.

Tugann na meáin chumarsáide Cúigear Ros Dumhach ar scata fear ó Ghaeltacht Iorrais i gContae Mhaigh Eo in Éirinn a cuireadh i bpríosún Chnoc na Seimre i mBaile Átha Cliath cionn is gur dhiúltaigh siad cead don chomhlacht ilnáisiúnta ola, Shell, píopa a thógáil ar a gcuid talún i Ros Dumhach chun gás a thabhairt i dtír. Is iad na fir sin ná James Brendan Philbin, na deartháireacha Philip agus Vincent McGrath, Willie Corduff agus Mícheál Ó Seighin. Dhiúltaigh na fir san Ard-Chúirt gan cosc ar Shell píopa a thógáil fríd a gcuid talún agus ghearr an Ard-Chúirt príosún orthu ar an 29 Meitheamh 2005. D'fhan siad i ngéibheann go dtí an 30 Meán Fómhair. Rinneadh léirsithe ar fud na hÉireann ag tacú leo. Ainmníodh Peter Cassells mar idirghleacaí sa chonspóid. Gás na Coiribe a thugtar ar thoradh an tobair seo.

Ros Dumhach

Tá conspóid náisiúnta ar siúl faoi láthair faoin gcáin íseal a ghearrtar ar leithéidí Shell de réir Achtanna 1987 agus 1992 agus iad i mbun taiscéalaíochta amach ó chósta na hÉireann ar thóir ola agus gáis.

Foilsíodh Our Story: the Rossport Five sa bhliain 2007. I Mí Aibreán 2007 bhuaigh Willie Corduff an Duais Chomhshaoil Goldman, in éineacht le $125,000, de bharr a ndearna sé, agus bhí cóisir ag National Geographic, iris dhúlra agus tíreolaíochta, le hurraim dó in Washington, D.C..