Córas comhordanáideach sféarúil

Comhordanáidí sféarúla (r, θ, φ) mar a úsáidtear go coitianta san fhisic (coinbhinsiún EIC): achar gathach r, uillinn pholach θ (téite), agus an t-asamat φ (fí). Is minic go n-úsáidtear an tsiombail ρ (ró) in ionad r.

Comhordanáidí sféarúla (r, θ, φ) go minic mar a úsáidtear iad sa mhatamaitic: achar gathach r, an t-asamat θ, agus an uillinn pholach φ. Malartaíodh bríonna θ agus φ i gcomparáid le coinbhinsiún na fisice.

Sa mhatamaitic, is éard is córas comhordanáideach sféarúil ann ná córas comhordanáideach le haghaidh spáis thríthoisigh, áit ina mbíonn suíomh na rinne sonraithe ag trí uimhir: achar gathach na rinne ó bhunphointe seasta, a uillinn pholach tomhaiste ó threo fhorair sheasta, agus asamat de chuid a theilgin ortagánaigh, ar phlána tagartha a théann tríd an mbunphointe agus atá ortagánach leis an bhforar, tomhaiste ó threo seasta tagartha ar an bplána sin. Is féidir é a thuiscint mar an leagan tríthoiseach den chóras comhordanáideach pholach.