Breith anabaí
  | |
| Cineál | pregnancy with abortive outcome (en)  agus reproductive system symptom (en) |
|---|---|
| Speisialtacht leighis | obstatraic |
| Aicmiú | |
| ICD-10 | O03 |
| ICD-9 | 634634 |
| CIAP | W82 |
| Acmhainní seachtracha | |
| OMIM | 614389 |
| DiseasesDB | 29 |
| MedlinePlus | 001488 |
| Patient UK | miscarriage-spontaneous-abortion |
| MeSH | D000022 |
| UMLS CUI | C0000786 agus C0000822 |
Is éard atá i gceist le breith anabaí[1] ná deireadh toirchis gan an féatas a bheith beo.[2] In Éirinn, má chailleann bean a leanbh roimh 24 seachtaine iompair, nó sula sroicheann leanbh meáchan 500 gram, tugtar breith anabaí air seo.[3]
Minicíocht
[cuir in eagar | athraigh foinse]Tarlaíonn breith anabaí go minic gan aon rabhadh agus is minic nach féidir aon chúis mhíochaine a fháil faoin gcúis ar tharla sí. Is féidir le breith anabaí a bheith ina chrá agus cé gur féidir le bean teacht chuici féin go fisiciúil sách tapa ó bhreith anabaí, tógann sé i bhfad níos faide go mothaíoch. Gach bliain bíonn breith anabaí ag na mílte ban in Éirinn. Meastar go dtarlaíonn sé do 15% de mhná in Éirinn le linn toirchis.[5] Mar gheall ar an náire agus an stiogma a bhaineann leis na tragóidí bíonn ar mhná ualach an uaignis a iompar laistiar de bhrat rúndachta.[6] I measc na cúiseanna a luaitear le breith anabaí uaireanta: mínormáltacht sa bhféatas, an phlacaint nó an bhroinn, galar ag an máthair nó drugaí a bheith tógtha aici, srl.[7]
Sna meáin
[cuir in eagar | athraigh foinse]Bhí dhá bhreith anabaí ag Síle Seoige, rud a chuir sí roimpi sa chlár faisnéise dátheangach Síle Seoige: Deireadh Tochta ar TG4.[6] Ainmníodh é don Chlár Fíorasach Aonair is Fearr.[8]
Tacaíocht
[cuir in eagar | athraigh foinse]Is féidir teastas marbh-bhreithe[9] a fháil in Éirinn.[10]
Téigh chuig láithreán gréasáin Pregnancy and Infant Loss Ireland[11] le haghaidh:
- Sonraí teagmhála le haghaidh seirbhísí tacaíochta méala i do cheantar áitiúil
- Bileoga eolais faoi chailleadh toirchis agus marbh-bhreith[12]
Cumann Breitheanna Anabaí na hÉireann
[cuir in eagar | athraigh foinse]Is eagraíocht dheonach í Cumann Breitheanna Anabaí na hÉireann[13][14] a chuireann eolas agus tacaíocht ar fáil do mhná (agus dá bpáirtithe) a d’fhulaing breith anabaí. Soláthraíonn siad tacaíocht teileafóin, faisnéis faoi sheirbhísí cuimhneacháin, agus bileoga eolais ar cheisteanna a bhaineann le breith anabaí. Bíonn cruinnithe tacaíochta ar líne rialta acu freisin do thuismitheoirí atá ag déanamh bróin trí Zoom.[12]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "An Bhreith Anabaí" (en-US). Úna. Dáta rochtana: 2024-02-20.
- ↑ Tugtar breith anabaí nó ginmhilleadh spontáineach ar eachtraí a tharlaíonn gan idirghabháil. Nuair a ghlactar céimeanna d'aon ghnó chun deireadh a chur le toircheas, tugtar ginmhilleadh spreagtha air nó go hannamh ná sin "breith anabaí spreagtha".
- ↑ Citizensinformation.ie. "Brón Báis agus Breith Linbh" (ga). www.citizensinformation.ie. Dáta rochtana: 2024-02-20.
- ↑ New England Journal of Medicine, 2004
- ↑ "10 Most Common Questions About Miscarriage" (en). Sims IVF. Dáta rochtana: 2024-02-20.
- ↑ 6.0 6.1 "Misneach is oscailteacht Shíle Seoige agus a cuid aíonna le moladh go mór" (ga-IE). Tuairisc.ie (2021-04-08). Dáta rochtana: 2024-02-20.
- ↑ Hussey, Matt (2011). "Breith anabaí". Fréamh an Eolais. Coiscéim. p. 89.
- ↑ "Cláir de chuid TG4 ainmnithe do Ghradaim Theilifíse RTS" (ga-IE). Tuairisc.ie (2022-03-23). Dáta rochtana: 2024-02-20.
- ↑ aois iompair de 24 seachtaine ar a laghad ag an leanbh nó meáchan 500 gram ar a laghad
- ↑ Citizensinformation.ie. "Marbh-bhreith a Chlárú" (ga). www.citizensinformation.ie. Dáta rochtana: 2024-02-20.
- ↑ "pregnancyandinfantloss.ie/" (en-IE). Pregnancy & Infant Loss Ireland. Dáta rochtana: 2024-02-20.
- ↑ 12.0 12.1 Citizensinformation.ie. "Brón Báis agus Breith Linbh" (ga). www.citizensinformation.ie. Dáta rochtana: 2024-02-20.
- ↑ Miscarriage Association of Ireland
- ↑ "The Miscarriage Association of Ireland" (en-IE). Miscarriage.ie. Dáta rochtana: 2024-02-20.