Billy Connolly

Billy Connolly
	; (2012)
Beathaisnéis
Breith	(en) William Connolly ; 24 Samhain 1942 ; 83 bliana d'aois; Glaschú, Scotland
Faisnéis phearsanta
Náisiúntacht	Albanach
Reiligiún	Aindiachas
Scoil a d'fhreastail sé/sí	St. Gerard's RC Secondary (en) ; St Peter's Boys School, Stewartville St, Glasgow (en)
Áit chónaithe	Windsor; Florida
Gníomhaíocht
Gairm	aisteoir, aisteoir stáitse, amhránaí, cumadóir, giotáraí, scríbhneoir scripte, fuirseoir ar a boinn, aisteoir scannáin, fuirseoir, bainseóí, aisteoir teilifíse
Tréimhse oibre	1965 –
Teangacha	Béarla
Uirlis	Bainseó, armónach agus giotár
Lipéad ceoil	Polydor
Teaghlach
Céile	Iris Pressagh (1969–1985), colscaradh; Pamela Stephenson (1989–)
	Gradam a fuarthas (2012) British Academy Scotland Awards (en) ; Ceannasaí Ord na hImpireachta Briotanaí; Ridire Baitsiléra; Chortle Awards (en) ;
Suíomh gréasáin	billyconnolly.com

Is aisteoir, fuirseoir agus ceoltóir é William "Billy" Connolly, a rugadh ar 24 Samhain 1942 in Anderston, Glaschú, in Albain. Tá aithne air chomh maith mar The Big Yin (an Fear Mór): tá Connolly sé throigh (nó 1.83 méadar) ar airde.

Thosaigh sé ag obair sna seascaidí mar tháthaire (déantóir coirí i gceart), ach d'éirigh sé as agus thosaigh sé ag seinm ceoil tíre. Ba bhall é den bhanna Humblebumbs le Gerry Rafferty, agus sa bhliain 1974 fuair sé conradh ceoil le Polydor.

Sna seachtóidí chuaigh sé le fuirseoireacht, ceird a chleachtann sé fós. Ina theannta seo, déanann sé roinnt aisteoireachta, agus tá sé le feiceáil sna scannáin Open Season, Lemony Snicket's A Series of Unfortunate Events, Pocahontas, The Last Samurai agus Man Who Sued God.

Sa bhliain 1997 bhuaigh Connolly Gradam BAFTA, rud a rinne sé arís sna blianta 1998 agus 1999. Sa bhliain 1997 bhuaigh sé duais eile i gcomhair an scannáin Mrs. Brown.

Bhí sé pósta tráth le hIris Pressagh, agus tá sé pósta anois leis an síceolaí agus iar-aisteoir Pamela Stephenson. Tá cúigear páistí aige (triúr le Stephenson agus beirt le Pressagh). Is iad na trádmharcanna atá aige ná a fhéasóg agus a bhainseó. Maíonn Connolly gurb seisean an t-aon aisteoir amháin a fuair bás i scannán de chuid na Muppets.

I Mí na Nollag sa bhliain 2003 bronnadh CBE air.

Naisc sheachtracha

Suíomh oifigiúil.

Tagairtí