An Mhórsceir Bhacainneach

An Mhórsceir Bhacainneach

(en) Great Barrier Reef
Cineál	Coral reef (en) , natural cultural heritage site (en) agus díol spéise do thurasóirí
Lonnaithe i limistéar cosanta	Great Barrier Reef Marine Park (en)
Suíomh
Limistéar riaracháin	Tír na Banríona, Astráil
Suíomh	Townsville
16° 24′ S, 145° 48′ E
Suite i nó in aice le limistéar uisce	an Mhuir Choiréil
Tréithe
Achar	34,893,402.883011 ha Suíomh Oidhreachta Domhanda: 34,870,000 ha
Listed on the Australian National Heritage List (en)
Am	21 Bealtaine 2007
Aitheantóir	105709
Suíomh Oidhreachta Domhanda
Cineál	Oidhreacht nádúrtha  → An Áise-An Aigéine
Am	1981 (5ú Seisiún), Critéar roghnúcháin don Oidhreacht Dhomhanda: (vii), (viii), (ix) agus (x) (en)
Aitheantóir	154
Suíomh gréasáin	gbrmpa.gov.au

Is ceann d'iontais na cruinne í an Mhórsceir Bhacainneach, an Great Barrier Reef, an sceir choiréil is mó ar domhan.. Tosaíonn sí taobh thoir thuaidh de Leithinis Rinn York in oirthuaisceart na hAstráile agus síneann sí 2,000 ciliméadar ó dheas le cósta Queensland.

Tá tuairim is 23,000 ciliméadar cearnach ann ar fad. I ndáiríre ní sceir amháin atá ann ach na mílte acu, ar a laghad 3,000. Ina measc tá 600 oileán. Deirtear go bhfuil chuile dhath a d'fhéadfadh a bheith ann ar an uisce ina timpeall, turcaid anseo, gormghlas ansiúd agus in áiteacha eile é chomh gorm leis an bplúirín. Tá éagsúlacht éan, éisc agus ainmhithe ann nach bhfuil le fáil ach i gcorr-áit ar domhan. Meastar go bhfuil 200 saghas éin agus 5,500 saghas éisc ann agus níl a bhformhór sin le fáil in aon áit eile.

Turasóirí agus iascairí is mó a bhaineann leas as an sceir seo agus tá faitíos ar dhaoine anois go bhfuil iascairí ag déanamh dochair don éiceachóras leochaileach. Chomh maith leo sin, tá rudaí sa nádúr a dhéanann dochar di ó am go chéile. Go dtí seo is í crosóg na corónach deilgne is mó is cúis leis sin ó na seascaidí i leith, cé gur cosúil go bhfuil sí sin faoi smacht i láthair na huaire. Ina theannta sin, tá imní ar lucht taighde faoin ngealadh atá ag tarlú le tamall de bhlianta. Ceaptar go bhfuil baint ag téamh domhanda nó ag El Niño leis sin.