An Bheitheach Mhór

Ón Vicipéid, an chiclipéid shaor.
Jump to navigation Jump to search
Ciorcal liag san Bheitheach Mhór
Sraith liag sa Bheitheach Mhór
Ciorcal liag agus cairn sa Bheitheach Mhór

Grúpa ciorcal liag, carn agus gnéithe meigiliteacha eile ón Aois Chré-Umha luath i gContae Thír Eoghain, i dTuaisceart Éireann, is ea an Bheitheach Mhór (Béarla: Beaghmore), agus é suite 8.5 míle siar ó thuaidh ón Chorr Chríochach ar imeall thoir-theas na Speiríní.[1] Ní ainm deimhnithe í an Bheitheach Mhór de réir Logainm.ie.[2] Tugann Dictionary of Ulster Place-names "an Bheitheach Mhór" (áit ina bhfuil a lán crann bheithe) ar an áit[3] Coillte a bhíodh sa cheantar sular ghlan na feirimeoirí Neoiliteacha an talamh, agus luífeadh ainm mar sin le réasún. Séadchomharthaí Stairiúla faoi Chúram an Stáit is ea ciorcail liag, ailíniú agus cairn na Beithí Móire agus iad i ndlínse Chomhairle Cheantair na Coirre Críochaí, tagairt eangaí: H684 842.[4]

Tagairtí[cuir in eagar | athraigh foinse]

  1. "Beaghmore Stone Circles". The Chrono Centre – Queens University Belfast.
  2. [http://www.logainm.ie/ga/64316 Baile fearainn na Beithí Móire i dTír Eoghain ag Logainm.ie. Tá logainmneacha cosúla i gContaetha Dhún na nGall agus na Gaillimhe ag Logainm.ie fosta. Arna rochtain ar 6 Samhain 2016
  3. McKay, P. (2007) A Dictionary of Ulster Place-Names, lch. 20
  4. "Beaghmore". Environment and Heritage Service NI – State Care Historic Monuments.