Amfaitéatar

Ón Vicipéid, an chiclipéid shaor.
Jump to navigation Jump to search
Laistigh den Cholasaem, amfaitéatar sa Róimh

Amharclann faoin spéir is ea amfaitéatar, le céimeanna suíochán timpeall ar spás ciorclach nó ubhchruthach léirithe. Tháinig an focal ón bhfocal Shean-Ghréigise ἀμφιθέατρον (amphitéatron), a thagann féin ón bhfocal ἀμφί (amphi), a chiallaíonn ar 'ar an dá thaobh' nó 'timpeall' agus ón bhfocal θέατρον (théātron), a chiallaíon 'áit féachana'.

Shaothraigh na Rómhánaigh an fhoirm seo foirgnimh ó bhunúis Éatruscacha, b'fhéidir, le haghaidh comhrac gliairí agus eachtraí is léirithe eile. Tógadh na hamfaitéatair luatha as adhmad, ach de réir a chéile is as cloch a tógadh iad. Tógadh an chéad cheann sa Róimh féin i 59 RC.

Tá samplaí le feiceáil fós i bPompeii (70 RC), Verona (290 AD), agus an Colasaem (72-80 AD) sa Róimh le suíocháin do 50,000 duine.