Aasmund Olavsson Vinje

Ón Vicipéid, an chiclipéid shaor.
Infotaula de personaAasmund Olavsson Vinje

Cuir in eagar ar Wikidata
Beathaisnéis
Breith6 Aibreán 1818
Vinje Cuir in eagar ar Wikidata
Bás30 Iúil 1870
52 bliana d'aois
Gran Cuir in eagar ar Wikidata
Siocair bháisBás nádúrtha (Ailse ghoile)
Áit adhlacthaSister Churches (en) Aistrigh Cuir in eagar ar Wikidata
Gníomhaíocht
Réimse oibreLitríocht agus iriseoireacht
Gairmiriseoir, saineolaí dlí, scríbhneoir, file, polaiteoir Cuir in eagar ar Wikidata
SeánraFilíocht liriciúil
TeangachaAn Ioruais agus Nynorsk

Musicbrainz: 0064dc93-7f4b-44f4-bbec-167724ef0bce Discogs: 857025 IMSLP: Category:Vinje,_Aasmund_Olavsson Cuir in eagar ar Wikidata

Scríbhneoir, file agus gníomhaí teanga Ioruach ab ea Aasmund Olavsson Vinje a rugadh i Vinje (cúige Telemark) ar an 5ú lá de Mhí Aibreáin sa bhliain 1818 agus a fuair bás in Gran (cúige Oppland) ar an 30ú lá de Mhí Iúil sa bhliain 1870.

Is é an cineál Ioruaise a chleachtadh sé ina chuid scríbhinní ná an Nynorsk (nó Landsmål mar a thugtaí ar an leagan sin den teanga san am). Le fírinne bhí sé ar an gcéad scríbhneoir a thosaigh ag scríobh Nynorsk i ndiaidh Ivar Aasen féin.

Is é an dán is clúití a tháinig óna pheann ná Våren - "An tEarrach", agus chuala an saol mór an dán áirithe seo á chanadh sa bhunteanga, ó chuir an ceolchumadóir Edvard Grieg fonn leis go gairid roimh bhás an fhile.

Áirítear Vinje ar fhilí na tréimhse idir eatarthu i ndiaidh bhás Henrik Wergeland (1845) agus teacht an nua-aoiseachais ("briseadh mór na nua-aoise" mar a deir muintir Chríoch Lochlann, det moderna genombrottet as Sualainnis agus det moderne gjennombrotet as Ioruais). Sa bhreis ar a chuid filíochta bhí sé ina iriseoir thábhachtach freisin agus é ina chomhfhreagraí ag an nuachtán Drammens Tidende agus ag a nuachtán féin i Christiania, mar a thugtaí ar Oslo san am sin.

Deirtear go raibh sé in ann dhá thaobh na seithe a fheiceáil ar gach ceist mhór dá raibh faoi chaibidil sa tsochaí agus gurbh é an "radharc dúbailte" (tvisyn ina theanga féin) seo a rinne iriseoir maith de.

Féach freisin[cuir in eagar | athraigh foinse]

Tagairtí[cuir in eagar | athraigh foinse]