Bunaíodh Mainistir Mhucrois nó Mainistir Locha Léin sa 15ú céad agus tá cuma fíormhaith uirthi go fóill. Mainistir Phroinsiasach ab ea í. Tógadh an séipéal roimh an túr, agus is é seo an t-aon túr Proinsiasach in Éirinn atá chomh leathan leis an séipéal. Tá an mhainistir agus na foirgnimh go léir a bhaineann léi ina seasamh agus tá seanchrann iúir, Taxus baccata, i lár báire. Sa bhliain 1652, chuir lucht Chromail an ruaig ar na manaigh.
Clós clabhstraíthe na Mainistreach agus an crann ag fás i lár báire.
